.jpg)
លោក Sun Guoxiang បេសកជនពិសេសចិនទទួលបន្ទុកកិច្ចការអាស៊ី ជួបជាមួយមេដឹកនាំយោធាមីយ៉ាន់ម៉ា លោក Min Aung Hlaing កាលពីឆ្នាំ ២០១៧។ រូបថត Xinhua
បេសកជនពិសេសចិនទទួលបន្ទុកកិច្ចការអាស៊ីលោក Sun Guoxiang បានធ្វើទស្សនកិច្ចនៅប្រទេសមីយ៉ាន់ម៉ា កាលពីសប្តាហ៍មុន ដើម្បីពិភាក្សាជាមួយមេដឹកនាំយោធាមីយ៉ាន់ម៉ា។
នៅក្នុងដំណើរទស្សនកិច្ចរបស់លោកពីថ្ងៃទី ២១ ដល់ថ្ងៃទី ២៨ សីហា លោក Sun បានជួបជាមួយមេដឹកនាំយោធាមីយ៉ាន់ម៉ា លោក Min Aung Hlaing ក៏ដូចជារដ្ឋមន្ត្រីការបរទេស លោក Wunna Maung Lwin និងរដ្ឋមន្ត្រីនៃការិយាល័យរដ្ឋាភិបាល លោក Yar Pyae ដើម្បីផ្លាស់ប្តូរទស្សនៈជាមួយពួកគេអំពីទិដ្ឋភាពនយោបាយនៅមីយ៉ាន់ម៉ានិងប្រទេសចិន។
រដ្ឋមន្រ្តីការបរទេសចិន លោក Wang Yi បានប្រាប់សន្និសីទសារព័ត៌មាននៅទីក្រុងប៉េកាំងថាប្រទេសចិននឹងធ្វើការរួមគ្នាជាមួយសហគមន៍អន្តរជាតិដើម្បីដើរតួនាទីស្ថាបនាក្នុងកិច្ចខិតខំប្រឹងប្រែងរបស់មីយ៉ាន់ម៉ាដើម្បីស្តារស្ថិរភាពសង្គម។
ដោយឡែកស្ថានទូតចិនប្រចាំប្រទេសមីយ៉ាន់ម៉ា បានប្រកាសបើកផ្លូវពាណិជ្ជកម្មថ្មីដែលតភ្ជាប់កំពង់ផែយ៉ាំងហ្គោននៅមហាសមុទ្រឥណ្ឌាទៅខេត្ត Yunnan ជាប់ព្រំដែនចិន និងតាមផ្លូវដែកឆ្ពោះទៅកាន់ទីក្រុង Chengdu នៅភាគនិរតីតំបន់ Sichuan៕
