.jpg)
អង្គការសុខភាពពិភពលោកកំពុងឃ្លាំមើលវីរុសកូវីដ ១៩ បំប្លែងថ្មីដែលហៅថា «Mu»។ រូបថត AFP
កាលពីថ្ងៃអង្គារ ទី ៣១ សីហា អង្គការសុខភាពពិភពលោកបាននិយាយថា ខ្លួនកំពុងឃ្លាំមើលវ៉ារ្យ៉ង់ កូវីដ ១៩ ថ្មីដែលហៅថា «Mu»។ វីរុសបំប្លែងថ្មីប្រភេទនេះ អាចមានការផ្លាស់ប្តូរខ្ពស់ក្នុងការប្រឆាំងនឹងវ៉ាក់សាំងការពារកូវីដ ១៩ ។
អង្គការសុខភាពពិភពលោកបាននិយាយនៅក្នុងរបាយការណ៍ប្រចាំសប្តាហ៍របស់ខ្លួនដែលបានបោះពុម្ពផ្សាយថា វីរុស B.1.621 ត្រូវបានបញ្ចូលទៅក្នុងបញ្ជីវីរុសបំប្លែងដែលគ្រោះថ្នាក់របស់អង្គការសុខភាពពិភពលោកកាលពីថ្ងៃទី ៣០ សីហា។
វ៉ារ្យ៉ង់នេះមានការផ្លាស់ប្តូរហ្ស៊ែនដែលបង្ហាញពីភាពស៊ាំទៅនឹងវ៉ាក់សាំងការពារកូវីដ ១៩ បច្ចុប្បន្ន។ វីរុសបំប្លែងប្រភេទនេះ នឹងត្រូវការសិក្សាបន្ថែមទៀត ដើម្បីបញ្ជាក់ពីលទ្ធភាពក្នុងការចម្លង និងភាពស៊ាំនឹងវ៉ាក់សាំងការពារកូវីដ ១៩ បច្ចុប្បន្ន៕
