សហភាពអន្តរជាតិសម្រាប់ការអភិរក្សធម្មជាតិ (IUCN) រៀបរាប់ថា សម្ពាធជីវិតសត្វសមុទ្រនៅតែបន្តកើនឡើង។ ត្រីធូណា ត្រីឆ្លាម និងបបែល កំពុងរងការគំរាមកំហែងពីការផុតពូជ។ បញ្ជីរុក្ខជាតិ និងសត្វដែលជិតផុតពូជនៅលើពិភពលោក ត្រូវបានចេញផ្សាយនៅពេលចាប់ផ្តើមសន្និបាតអភិរក្សរបស់ពិភព លោកចាប់ផ្ដើមប្រព្រឹត្តនៅទីក្រុង Marseille ប្រទេសបារាំង ចាប់ពីថ្ងៃទី ៣ ដល់ថ្ងៃទី ១១ ខែកញ្ញា។ ត្រីធូណា នៅតំបន់ខ្លះ នៅតែជាបញ្ហាដូចជា ត្រីធូណាខៀវ នៅផ្នែកខាងលិចនៃអាត្លង់ទិក និងត្រីធូណា ប្រភេទ yellowfin នៅមហាសមុទ្រឥណ្ឌា។
ត្រីធូណាប្រភេទមួយចំនួន ត្រូវបានគេចាត់ថា ទទួលរងការគំរាមកំហែងផុតពូជកាលពីឆ្នាំ ២០១១។ ប៉ុន្តែបន្ទាប់ពីកិច្ចខិតខំប្រឹងប្រែងអស់១ទសវត្សរ៍ពីអ្នកអភិរក្សនិងវិស័យឧស្សាហកម្មរួមទាំងការបង្ក្រាបការនេ សាទខុសច្បាប់ បានធ្វើឱ្យត្រីធូណាកើនឡើងវិញនៅតំបន់មួយចំនួន។
ទោះយ៉ាងណាក៏ដោយ ចំនួនត្រីឆ្លាម និងបបែលនៅសមុទ្របន្តធ្លាក់ចុះ។ មូលហេតុដែលចំនួនត្រីឆ្លាមមានការថយចុះ គឺដោយសារសម្ពាធពីការនេសាទត្រីយកសាច់ និងព្រុយ រួមទាំងការប្រែប្រួលអាកាសធាតុ និងការបំពុលបរិស្ថានជាដើម៕