យោងតាមការសិក្សាថ្មី២ពីមជ្ឈមណ្ឌលត្រួតពិនិត្យនិងបង្ការជំងឺអាមេរិក (CDC) បានឱ្យដឹងថា ករណីសម្រាកព្យាបាលនៅមន្ទីរពេទ្យរបស់កុមារ កើនឡើងនៅរដូវក្តៅដោយសារការរីករាលដាលនៃវ៉ារ៉្យង់ដែលតាយ៉ាងខ្លាំងនៅទូទាំងប្រទេស។ នេះបើតាមការឱ្យដឹងពីសារព័ត៌មាន The New York Times។
ការស្រាវជ្រាវថ្មីមួយ បានរកឃើញថា ចាប់ពីចុងខែមិថុនាដល់ពាក់កណ្តាលខែសីហាអត្រាសម្រាកនៅមន្ទីរពេទ្យសម្រាប់កុមារនិងក្មេងជំទង់នៅសហរដ្ឋអាមេរិកបានកើនឡើងជិត ៥ដង បើទោះបីជាពួកគេនៅទាបជាងករណីកើនឡើងខ្ពស់បំផុតកាលពីខែមករាបន្តិចក៏ដោយ។
អ្នកវិទ្យាសាស្ត្របានរកឃើញថា ក្នុងអំឡុងពេលរលកក្នុងរដូវក្តៅនេះអត្រាចូលមន្ទីរពេទ្យរបស់កុមារមានអត្រាខ្ពស់ជាងក្មេងជំទង់ដែលមិនបានចាក់វ៉ាក់សាំង១០ដង ដូចអ្នកដែលបានចាក់វ៉ាក់សាំងអញ្ចឹង។ យោងតាមការស្រាវជ្រាវលើកទី២ ករណីចូលមន្ទីរពេទ្យកុមារមានអត្រាខ្ពស់ជិត៤ដង នៅក្នុងរដ្ឋដែលមានអត្រា ចាក់វ៉ាក់សាំងទាបបំផុត។
ការសិក្សាដែលបានចេញផ្សាយកាលពីថ្ងៃសុក្រ មិនបានផ្តល់ចម្លើយច្បាស់លាស់ទេថាតើវ៉ារ៉្យង់ដែលតាជាកត្តាបណ្តាលឱ្យមានជំងឺធ្ងន់ធ្ងរ លើកុមារជាងវីរុសជំនាន់មុនឬយ៉ាងណា? ការកើនឡើងនៃករណីចូលមន្ទីរពេទ្យរបស់កុមារ ក៏អាចបណ្តាលមកពីការរីករាលដាលក្នុងស្រុកខ្ពស់ដែរ៕