យ៉ាងហោចណាស់ មានមនុស្សចំនួន ៣ នាក់ បានស្លាប់និង ១៥ នាក់ទៀតរងរបួស នៅក្នុងការវាយប្រហារមួយទៅលើកងទ័ពនៅទីក្រុង Quetta ភាគនិរតីប្រទេសប៉ាគីស្ថាន។ អធិការនគរបាល Quetta លោក Azhar Akram បាននិយាយថា ការវាយប្រហារនេះ គឺកើតឡើងពីការបំផ្ទុះគ្រាប់បែកនៅចំណុចត្រួតពិនិត្យ Frontier Corp ដែលជាកន្លែងយោធាឈរជើងនៅក្នុងទីក្រុង Quetta។
ប្រធានាធិបតីប៉ាគីស្ថាន លោក Imran Khan បានសរសេរក្នុងបណ្តាញសង្គមថា៖ «សូមថ្កោលទោសចំពោះការវាយប្រហារទៅលើប៉ុស្តិ៍ត្រួតពិនិត្យនៅ Quetta ។ ការចូលរួមរំលែកទុក្ខរបស់ខ្ញុំទៅកាន់ក្រុមគ្រួសារជនរងគ្រោះ និងសុំឱ្យពួកគេឆាប់ជាសះស្បើយ»។
គួរបញ្ជាក់ផងដែរថា ក្រុមតាលីបង់-ប៉ាគីស្ថានដែលត្រូវបានគេស្គាល់ថាជាTehreek-e-Taliban Pakistan (TTP) បានអះអាងទទួលខុសត្រូវចំពោះការផ្ទុះនេះនៅក្នុងសេចក្តីថ្លែងការណ៍មួយដែលបានចេញផ្សាយពីការរាយការណ៍របស់CNN៕