នាវាល្បាតកងនាវាចរណ៍ ២ គ្រឿង បានចាកចេញពីចក្រភពអង់គ្លេសកាលពីថ្ងៃអង្គារ ដើម្បីដាក់ពង្រាយទ័ពរយៈពេល ៥ ឆ្នាំ ដើម្បីដើរតួជា «ភ្នែកនិងត្រចៀក» របស់ចក្រភពអង់គ្លេសឃ្លាំមើលពីឆ្នេរខាងលិចនៃទ្វីបអាហ្វ្រិកទៅឆ្នេរខាងលិចសហរដ្ឋអាមេរិក។ នេះបើតាមការឱ្យដឹងពីសេចក្តីថ្លែងការណ៍របស់ក្រសួងការពារជាតិអង់គ្លេស។
ឧត្តមសេនីយ៍ទោ Ben Evans និយាយថា៖ «២ ភាគ ៣ នៃពិភពលោក គឺជាទីតាំងរបស់យើង» ដោយលោកបានបញ្ជាឱ្យដាក់នាវាល្បាតនៅឯនាយសមុទ្រ HMS Spey ទម្ងន់ ២ ពាន់តោន ប្រវែងជិត ១ ពាន់ម៉ែត្រ ដែលនឹងសហការជាមួយនាវា HMS Tamar សម្រាប់បេសកកម្មមួយដែលគេរំពឹងថា នឹងតាំងទីរហូតដល់ឆ្នាំ ២០២៦ ។
ខណៈពេលកំពុងល្បាតទឹកនៅមហាសមុទ្រប៉ាស៊ីហ្វិក និងមហាសមុទ្រឥណ្ឌានាវាចម្បាំងទាំងនេះ នឹងធ្វើដំណើរទៅភាគខាងជើងរហូតដល់សមុទ្រប៊ឺរី និងខាងត្បូងរហូតដល់ប្រទេសនូវែលសេឡង់ និងរដ្ឋតាសម៉ានីរបស់អូស្ត្រាលី។
នៅចំកណ្តាលនៃតំបន់នោះគឺ ជាតំបន់ដែលកំពុងមានជម្លោះយ៉ាងតានតឹងរវាងប្រទេសចិន និងសម្ព័ន្ធមិត្តកំពូលរបស់អង់គ្លេស គឺសហរដ្ឋអាមេរិក៕