អ្នកស៊ើបអង្កេតបាននិយាយថា យន្តហោះអ៊ិចប្រេសរបស់ឥណ្ឌាដែលបានធ្លាក់កាលពីខែសីហា ឆ្នាំមុន គឺជាកំហុសរបស់មនុស្សមិនមែនមានបញ្ហាផ្នែកបច្ចេកទេសឡើយ។
កាលពីឆ្នាំមុន យន្តហោះដឹកអ្នកដំណើរផ្ទុកមនុស្ស ១៩០ នាក់ បានធ្លាក់នៅឯអាកាសយានដ្ឋាន Calicut ក្នុងរដ្ឋ Kerala ភាគខាងត្បូងប្រទេសឥណ្ឌា បានសម្លាប់មនុស្ស ២១ នាក់។ យន្តហោះបូអ៊ីង ៧៣៧ បានធ្វើការហោះចេញពីទីក្រុងឌូបៃ បានធ្លាក់អំឡុងពេលមានភ្លៀងធ្លាក់។
របាយការណ៍របស់ការិយាល័យស៊ើបអង្កេតគ្រោះថ្នាក់យន្តហោះឥណ្ឌាបាននិយាយថា ការធ្លាក់យន្តហោះនេះ ដោយសារមានការរំលោភបំពាននីតិវិធីប្រតិបត្តិការ មុនពេលចុះចតដោយអ្នកបើកយន្តហោះ។
ការបំពាននីតិវិធីប្រតិបត្តិការមានដូចជា ការចុះចតអំឡុងពេលមានខ្យល់បក់នៅក្រោមភ្លៀង និងការបរាជ័យក្នុងការគណនាចម្ងាយចុះចតឱ្យបានត្រឹមត្រូវក្នុងលក្ខខណ្ឌអាកាសធាតុមិនល្អ៕