.jpg)
រដ្ឋដែលមានប្រជាជនច្រើនជាងគេទី៣របស់អូស្រ្តាលី បាននិយាយនៅថ្ងៃសៅរ៍ថា ខ្លួនអាចបញ្ជាឱ្យមានការបិទខ្ទប់ ក្រោយប្រទេសនេះរកឃើញករណីកើនឡើងខ្ពស់ប្រចាំថ្ងៃ។ នេះបើតាមការឱ្យដឹងពីសារព័ត៌មាន CNA។
រដ្ឋឃ្វីនឡែនដែលមានប្រជាជនជាង ៥លាននាក់ បាននិយាយថា ខ្លួនបានរកឃើញករណីឆ្លងថ្មីចំនួន៥ ក្នុងរយៈពេល ២៤ ម៉ោងចុងក្រោយ បន្ទាប់ពីគ្រួសារមួយ បានធ្វើតេស្តវិជ្ជមានកូវីដ១៩។ ប៉ុន្មានថ្ងៃខាងមុខនេះ រដ្ឋាភិបាល នឹងត្រូវសង្កេតមើលស្ថានភាពថាតើត្រូវបិទខ្ទប់ ឬ យ៉ាងណា?
នាយករដ្ឋមន្រ្តី Annastacia Palaszczuk បាននិយាយថា៖«ប្រសិនបើយើងចាប់ផ្តើមឃើញមានការឆ្លងជាសហគមន៍ណាមួយហើយនោះ យើងប្រហែលជាត្រូវចាត់វិធានការយ៉ាងឆាប់រហ័ស ប៉ុន្តែនៅពេលនេះ យើងរកឃើញករណីឆ្លងនេះមានតែក្នុងគ្រួសារនេះ នៅឡើយ»។
គ្រួសារដែលឆ្លងនេះរស់នៅទីក្រុង Brisbane រដ្ឋធានីរបស់រដ្ឋនេះ។ យ៉ាងណាមិញ គេមិនច្បាស់ទេថាតើការបិទខ្ទប់នឹងត្រូវធ្វើឡើងលើផ្នែកខ្លះនៃរដ្ឋ ដូចការបញ្ជាទិញអាហារដូចពីមុនដែរឬទេ?
គួរបញ្ជាក់ផងដែរថា ប្រទេសអូស្រ្តាលីកាលពីថ្ងៃសៅរ៍កន្លងទៅ បានរកឃើញករណីឆ្លងថ្មីចំនួន ២ ០៧៧ ករណី ដែលលើសពីកំណត់ត្រាថ្ងៃមុនចំនួន ១៩០៣ករណី៕
