.jpg)
យោងតាមអង្គការយូនីសេហ្វ (UNICEF) ប្រទេសអ៊ីរ៉ាក់ បានទទួលវ៉ាក់សាំង AstraZeneca ចំនួនជាង ១០ ម៉ឺនដូសពីប្រទេសអ៊ីតាលី តាមរយៈគម្រោងចែកចាយវ៉ាក់សាំងកូវីដ ១៩ ជាសកល (COVAX)។
បើយោងតាមសារព័ត៌មាន AFP ក្នុងចំណោមមនុស្សជាង ៤ លាននាក់ នៅអ៊ីរ៉ាក់ប្រជាជនប្រមាណ ១០ ភាគរយ បានទទួលដូសទី១ រួចហើយ។
យោងតាមសេចក្តីថ្លែងការណ៍របស់យូនីសេហ្វ (UNICEF) ដែលសហការជាមួយអង្គការសុខភាពពិភពលោក (WHO) នៅថ្ងៃអាទិត្យ ប្រទេសអ៊ីរ៉ាក់ បានទទួលវ៉ាក់សាំង AstraZeneca ចំនួន ១០០ ៨០០ ដូស ជាការចែកចាយលើកដំបូង ដែលប្រទេសអ៊ីតាលីសន្យាថានឹងបរិច្ចាគវ៉ាក់សាំងប្រមាណ ១៥ លានដូសទៅឱ្យគម្រោង Covax។
យ៉ាងណាមិញ នៅមានមន្ទិលជាច្រើនកើតឡើងជុំវិញការបរិច្ចាគវ៉ាក់សាំង ដែលជាលទ្ធផលនៃការផ្តល់ព័ត៌មានមិនត្រឹមត្រូវ និងការមិនទុកចិត្តជាសាធារណៈនៅក្នុងរដ្ឋ បានរារាំងដល់ការប្រតិបត្តិការរបស់បុគ្គលិកសុខាភិបាល។
គម្រោង Covax ត្រូវបានគាំទ្រ ដោយអង្គការសុខភាពពិភពលោក ដោយសម្ព័ន្ធភាពវ៉ាក់សាំង Gavi និងសម្ព័ន្ធ ដើម្បីការច្នៃប្រឌិតការត្រៀមបង្ការការរាតត្បាត (CEPI) ដែលមានគោលបំណងធានាឱ្យការចែកចាយវ៉ាក់សាំងកូវីដ ប្រកបដោយសមធម៌ ជាពិសេសដល់ប្រទេស ដែលមានប្រាក់ចំណូលទាប៕
