.jpg)
សមាជិកនៃកងកម្លាំងតាលីបង់ល្បាតនៅក្បែរយន្តហោះរបស់ក្រុមហ៊ុនអាកាសចរណ៍ប៉ាគីស្ថានកាលពីថ្ងៃទី ១៣ កញ្ញា។ AFP
កាលថ្ងៃអាទិត្យ ទី ១២ កញ្ញា អាកាសយានិកកងទ័ពអាកាសអាហ្វហ្គានីស្ថាន ដែលភៀសខ្លួនទៅជំរំមួយក្នុងប្រទេសអ៊ូសបេគីស្ថាន ជិត ១ ខែមកហើយ បានចាប់ផ្ដើមធ្វើដំណើរទៅកាន់អេមីរ៉ាតអារ៉ាប់រួម ក្រោមកិច្ចព្រមព្រៀងមួយជាមួយអាមេរិក បើទោះបីជាមានសម្ពាធពីក្រុមតាលីបង់ក៏ដោយ ដែលបានទាមទារឱ្យពួកគេត្រឡប់មកវិញជាមួយនឹងយន្តហោះពួកគេយកទៅតាម។
ភ្នាក់ងារសារព័ត៌មាន Reuters គឺជាអ្នករាយការណ៍ដំបូងអំពីការចាកចេញរបស់អាកាសយានិកទាំងនេះ ដែលត្រូវបានគេរំពឹងថា នឹងបញ្ចប់ក្នុងរយៈពេល២ថ្ងៃខាងមុខនេះ។ សហរដ្ឋអាមេរិក និង អ៊ូបេគីស្ថានមិនអត្ថាធិប្បាយអំពីការរាយការណ៍នេះទេ។
ភាពតានតឹង បានកើនឡើងនៅក្នុងជំរំនេះបានកើនឡើង ខណៈពេលដែលអាកាសយានិកមានការភ័យខ្លាចថា ពួកគេនឹងត្រូវបានគេនិរទេសទៅប្រទេសអាហ្វហ្គានីស្ថានវិញ ហើយអាចរងការសងសឹកពីក្រុមតាលីបង់។ ក្រុមតាលីបង់បានសន្យាថា នឹងមិនធ្វើការសម្លាប់សងសឹកទៅលើអតីតសមាជិកនៃកងកម្លាំងសន្តិសុខរបបមុនទេ ប៉ុន្តែមានការរាយការណ៍ថា ក្រុមតាលីបង់ បានធ្វើឃាតអាកាសយានិកជាច្រើននៅខាងក្រៅបន្ទាយកាលពីដើមឆ្នាំនេះ។
ក្រុមតាលីបង់ មិនបានធ្វើការអត្ថាធិប្បាយលើការរាយការណ៍ទេ ប៉ុន្តែមានការរាយការណ៍ថាពួកគេបានដាក់សម្ពាធលើអ៊ូសបេគីស្ថានឱ្យបញ្ជូនអាកាសយានិក និងយន្តហោះយោធាមកប្រទេសអាហ្វហ្គានីស្ថានវិញ។
គេមិនទាន់ដឹងច្បាស់ថា អ្វីនឹងកើតឡើងចំពោះយន្តហោះយោធាទាំង ៤៦ គ្រឿង ដែលអាកាសយានិកទាំងនេះ បានប្រើដើម្បីហោះទៅប្រទេសអ៊ូសបេគីស្ថាន ខណៈពេលដែលកងកម្លាំងជើងគោកដួលរលំ៕
