.jpg)
គណបក្សសេរីនិយមរបស់នាយករដ្ឋមន្ត្រីកាណាដា ទទួលបានជ័យជម្នះការបោះឆ្នោតថ្មីនៅប្រទេសនេះ ក្រោយពីលោកបានអំពាវនាវឱ្យមានការបោះឆ្នោតមុនកាលកំណត់។
លទ្ធផលបោះឆ្នោតនៅប្រទេសកាណាដា បានបង្ហាញថា គណបក្សសេរីនិយមទទួលបាន ១៥៧ អាសនៈ បើប្រៀបធៀបទៅនឹងគណបក្សអភិរក្សដោយទទួលបានអាសនៈចំនួន ១២២។ អាសនៈដែលនៅសេសសល់នៅក្នុងសភានឹងត្រូវបានកាន់-កាប់ដោយគណបក្សប្រជាធិបតេយ្យថ្មី និងគណបក្សផ្តាច់ខ្លួន Bloc Quebecois ដែលមានមូលដ្ឋាននៅកេបិច។
នាយករដ្ឋមន្ត្រីកាណាដា លោក Justin Trudeau បានប្រាប់អ្នកគាំទ្រនៅទីក្រុងម៉ុងរ៉េអាល់ កាលពីព្រឹកថ្ងៃទី ២១ កញ្ញានេះថា៖ «ប្រជាជនកាណាដា កំពុងបញ្ជូនរដ្ឋបាលលោកឱ្យត្រឡប់ទៅធ្វើការដោយមានអាណត្តិច្បាស់លាស់ ដើម្បីឱ្យប្រទេសកាណាដា អាចឆ្លងផុតពីជំងឺរាតត្បាតកូវីដ ១៩ និងធ្វើឱ្យប្រទេសកាណាដាឆ្ពោះទៅរកអនាគតដ៏ត្រចះត្រចង់»៕
