ព្រលានយន្តហោះនៅលើកោះ Canary ប្រទេសអេស្ប៉ាញ ត្រូវបានបិទ បន្ទាប់ពីភ្នំភ្លើងបានផ្ទុះបណ្តាលឱ្យយន្តហោះមិនអាចធ្វើការហោះហើរបាន។
នៅអាកាសយានដ្ឋានមានអ្នកធ្វើដំណើរជាច្រើនតម្រង់ជួរ ដើម្បីធ្វើការហោះហើរចេញពីកោះនោះ ខណៈជើងហោះហើរត្រូវបានលុបចោលហើយអ្នកដំណើរខ្លះ បានព្យាយាមជិះកាណូតចេញពីកោះ។
ប្រតិបត្តិករអាកាសយានដ្ឋាននិយាយថា ការផ្ទុះភ្នំភ្លើងនេះ បានបង្កឱ្យមានផេះនិងផ្សែងបានធ្វើឱ្យព្រលានយន្តហោះមិនអាចដំណើរការបាន ហើយបុគ្គលិកអាកាសយានដ្ឋានបានបោសផេះភ្នំភ្លើងចេញពីផ្លូវយន្តហោះចុះចត។ ការបិទអាកាសយានដ្ឋាននេះបានរារាំងអ្នកធ្វើដំណើរមួយចំនួនពីការចាកចេញពីកោះនោះ៕