កាលពីថ្ងៃចន្ទ ទី ២៧ កញ្ញា ប្រធានាធិបតីបារាំង លោក Emmanuel Macron ត្រូវបានប្រជាពលរដ្ឋគប់ពងមាន់ខណៈលោកកំពុងចូលរួមក្នុងព្រឹត្តិការណ៍មួយនៅទីក្រុងលីយ៉ុង។
អ្នកនាំពាក្យវិមានអេលីហ្សេ ដែលពេលនោះនៅជាមួយលោកប្រធានាធិបតី បាននិយាយថា៖ «ប្រធានាធិបតីបានធ្វើដំណើរនៅទីនោះអស់រយៈពេល ២ ម៉ោងទៅហើយ លោកត្រូវបានទទួលស្វាគមន៍យ៉ាងកក់ក្តៅពីសំណាក់ប្រជាជន»។ នេះបើតាមការស្រង់សម្តីរបស់សារព័ត៌មាន CNN។
លោកបានបន្តនិយាយថា មិនមានរឿង ឬហេតុការណ៍ធ្ងន់ធ្ងរកើតឡើងទេ។
លោក Macron ធ្លាប់ត្រូវបានប្រជាជនគប់ស៊ុតទៅលើខ្លួនលោកកាលពីឆ្នាំ ២០១៧ នៅពេលដែលលោកជាបេក្ខជនឈរឈ្មោះជាប្រធានាធិបតី៕