.jpg)
ប្រធានផ្នែកហិរញ្ញវត្ថុនៃក្រុមហ៊ុន Huawei លោកស្រី Meng Wanzhou។ AFP
ក្រសួងការបរទេសចិន បាននិយាយនៅថ្ងៃចន្ទថា ការដោះលែងលោកស្រី Meng Wanzhou ប្រធានផ្នែកហិរញ្ញវត្ថុ ក្រុមហ៊ុន Huawei គឺជាការបង្ហាញពីភាពខ្លាំងរបស់ចិន ហើយកាណាដាគួររៀនមេរៀននេះ។
អ្នកនាំពាក្យក្រសួងការបរទេសលោកស្រី Hua Chunying ប្រាប់សន្និសីទសារព័ត៌មានប្រចាំថ្ងៃស្ដីពីការវិលត្រឡប់របស់លោកស្រី Meng ថា ជាលទ្ធផលនៃ«កិច្ចខិតខំប្រឹងប្រែងឥតឈប់ឈរ»របស់រដ្ឋាភិបាលចិន និងបក្សកុម្មុយនីស្តដែលកំពុងកាន់អំណាចព្រមទាំងការគាំទ្រពីប្រជាជនចិនទាំងអស់។
យោងតាមសម្រង់សម្ដីពីសារព័ត៌មាន APTN ពីសន្និសីទកាសែតអ្នកស្រីបាននិយាយថា យុត្តិធម៌អាចយឺត ប៉ុន្តែវានឹងនៅទីបញ្ចប់ដោយបានលើកឡើងទៀតថា គណបក្សនិងរដ្ឋាភិបាលនឹងការពារប្រជាពលរដ្ឋក្រុមហ៊ុននិងផលប្រយោជន៍របស់ខ្លួនយ៉ាងម៉ឺងម៉ាត់ជានិច្ច។
គួរបញ្ជាក់ផងដែរ លោកស្រី Meng បានចុះចតនៅទីក្រុងសឺនជិនប្រទេសកំណើតរបស់ក្រុមហ៊ុន Huawei នៅលើយន្តហោះដែលជួលដោយរដ្ឋាភិបាលកាលពីថ្ងៃសៅរ៍ អមដោយអ្នកគាំទ្រជាច្រើន ដែលបន្ទរពីជ័យជម្នះនៃការប្រយុទ្ធធ្វើបត្យាប័នអាមេរិកអស់រយៈពេល ៣ឆ្នាំកន្លងមក។ នៅថ្ងៃដដែលនេះ ជនជាតិកាណាដា ២នាក់ ដែលត្រូវបានចាប់ខ្លួនដោយទីក្រុងប៉េកាំងក៏បានដោះលែងភ្លាមៗដែរ បន្ទាប់ពីមានការដោះលែងលោកស្រី Meng៕
