សហជីពកសិករឥណ្ឌា បានចាប់ផ្តើមធ្វើបាតុកម្មទូទាំងប្រទេសកាលពីថ្ងៃចន្ទ ដើម្បីប្រារព្ធខួប១ឆ្នាំចាប់តាំងពីសភាបានអនុម័តច្បាប់ស្តីពីកសិកម្មចំនួន ៣ ដែលពួកគេនិយាយថាជា គំរាមកំហែងដល់ការរស់នៅរបស់ពួកគេ។
ការតវ៉ារយៈពេល ១០ ម៉ោងបានចាប់ផ្តើមនៅព្រឹកព្រលឹមដោយមានកសិកររាប់ម៉ឺននាក់បានបិទផ្លូវជាតិ និងផ្លូវរថភ្លើងដែលឱ្យមានការស្ទះចរាចរណ៍។
អង្គការ Samyukta Kisan Morcha ដែលជា អង្គការឆត្រនៃសហជីពកសិដ្ឋានប្រហែល ៤០ បាននិយាយថា ការិយាល័យស្ថាប័នអប់រំនិងគ្រឹះស្ថានពាណិជ្ជកម្មទូទាំងប្រទេសត្រូវបានបិទ។
មន្រ្តីរដ្ឋាភិបាលឥណ្ឌាបាននិយាយថា សន្តិសុខត្រូវបានពង្រឹងនៅព្រំដែនរដ្ឋធានី ហើយប៉ូលិស និងកងកម្លាំងការពារបន្ថែមត្រូវបានដាក់ពង្រាយ ដើម្បីរក្សាច្បាប់និងសណ្តាប់ធ្នាប់។
១០ ខែនៃការតវ៉ា កសិករភាគច្រើនមកពីរដ្ឋប៉ាន់ចាបភាគខាងជើងរដ្ឋហារីយ៉ាណា និងអ៊ុតតាប្រាដេស ត្រូវបានគេបោះជំរំនៅជុំវិញទីក្រុងញូវដេលី ដែលជាការតវ៉ាដ៏យូរបំផុតមួយប្រឆាំងនឹងរដ្ឋាភិបាលដឹកនាំ ដោយនាយករដ្ឋមន្ត្រី Narendra Modi។
កាលពីដើមខែនេះ មនុស្សជាងកន្លះលាននាក់ ក៏បានចូលរួមបាតុកម្មនៅរដ្ឋ Uttar Pradesh ក្នុងគោលបំណងធ្វើឱ្យចលនារបស់ពួកគេរស់ឡើងវិញផងដែរ៕