ចៅក្រមស្រ្តីអាហ្វហ្គានីស្ថានជាង ២២០ នាក់ កំពុងលាក់ខ្លួនព្រោះខ្លាចមានការសងសឹកក្រោមការគ្រប់គ្រងរបស់តាលីបង់។ នេះបើតាមការឱ្យដឹងពីអតីតចៅក្រមស្រី ៦ នាក់ បាននិយាយជាមួយ BBC ពីទីតាំងសម្ងាត់នៅទូទាំងប្រទេសអាហ្វហ្គានីស្ថាន។
ពេញ១អាជីពជាចៅក្រម Masooma បានផ្តន្ទាទោសបុរសរាប់រយនាក់ពីបទប្រើអំពើហិង្សាលើស្ត្រី រួមទាំងការរំលោភសេពសន្ថវៈឃាតកម្មនិងទារុណកម្ម។
ប៉ុន្តែប៉ុន្មានថ្ងៃបន្ទាប់ពីក្រុមតាលីបង់ បានគ្រប់គ្រងទីក្រុងរបស់នាងហើយឧក្រិដ្ឋជនរាប់ពាន់នាក់ត្រូវបានដោះលែងពីពន្ធនាគារ នាងមានការភ័យខ្លាចចំពោះការគំរាមកំហែងដល់ជីវិត។សារសំឡេងនិងលេខដែល មិនស្គាល់ជាច្រើន បានខល និងគំរាមគំហែងរូបនាង។
នាង Masooma ម៉ាសាមូនិយាយថា៖ «ក្រោយពីបានឮថា ពួកតាលីបង់បានដោះលែងអ្នកទោសទាំងអស់ចេញពីពន្ធនាគារ យើងបានរត់គេចខ្លួនភ្លាមៗទាំងកណ្ដាលយប់»។
ភ្លាមៗ ក្រោយពីនាងបានចាកចេញ អ្នកជិតខាងរបស់នាងបានផ្ញើសារមកនាងថា សមាជិកក្រុមតាលីបង់ជាច្រើនបានមកដល់ផ្ទះរបស់នាង ហើយមានបុរស ២ នាក់ កំពុងស្វែងរកនាង។
ការស៊ើបអង្កេតរបស់ BBC បានរកឃើញថា យ៉ាងហោចណាស់អតីតចៅក្រមស្រី ២២០ នាក់ កំពុងលាក់ខ្លួននៅទូទាំងប្រទេសអាហ្វហ្គានីស្ថាន។ អ្នកទាំងអស់នេះ សុទ្ធតែ ទទួលការគំរាមកំហែងដល់ជីវិតពីសមាជិកក្រុមតាលីបង់ដែលពួកគេ បានប្តេជ្ញាដាក់ពន្ធនាគារកាលពីមុនៗមក។
អ្នកទាំងនេះ បានផ្លាស់ប្តូរលេខទូរស័ព្ទរបស់ពួកគេយ៉ាងហោចណាស់ម្តងដោយសារតែទទួលបានការគំរាមកំហែងដល់ជីវិត។បច្ចុប្បន្ន ពួកគេទាំងអស់កំពុងសំងំលាក់ខ្លួនជាច្រើន ហើយផ្លាស់ទីកន្លែងរៀងរាល់ ២-៣ ថ្ងៃម្តង៕