.jpg)
កាលពីថ្ងៃពុធ ទី២៩ កញ្ញា តុលាការអង់គ្លេសបានសម្រេចចោទប្រកាន់ប៉ូលិសម្នាក់ពីបទធ្វើការចាប់ខ្លួនមិនត្រឹមត្រូវមុនពេលប៉ូលិសរូបនោះ ប្រព្រឹត្តអំពើឃាតកម្មទៅលើស្ត្រីម្នាក់ដោយលោកបានធ្វើការចាប់ខ្លួនមិនត្រឹមត្រូវតាមច្បាប់។
លោក Wayne Couzens អាយុ ៤៨ ឆ្នាំ បម្រើការជាមួយអង្គភាពការពារការទូតវីរជននៃប៉ូលិសក្រុងឡុងដ៍ ចក្រភពអង់គ្លេសបានសារភាពថា លោកបានចាប់ និងរំលោភសេពសន្ថវៈ ហើយបានសម្លាប់ជនរងគ្រោះ។
ជនរងគ្រោះរូបនោះត្រូវបានគេស្គាល់ថា Sarah Everard បានបាត់ខ្លួនកាលពីខែមីនា។ ការបាត់ខ្លួនរបស់ស្រ្ដីម្នាក់ឈ្មោះ Sarah Everard បានបង្កឱ្យមានការពិភាក្សាអំពីសុវត្ថិភាពស្ត្រីនៅតាមទីសាធារណៈ។
លោក Couzens បានប្រាប់គ្រូពេទ្យចិត្តវិទ្យាថា លោកបានប្រើខ្សែក្រវាត់ប៉ូលិសរបស់លោកដើម្បីរឹតក Everard មុនពេលដុតសាកសពរបស់នាង ហើយដាក់សាកសពក្នុងថង់។
ប៉ូលិសបានឆែកមើលកាមេរ៉ាសុវត្ថិភាព និងកំណត់អត្តសញ្ញាណ លោក Couzens តាមរយៈឡានដែលលោកបានជួល។ លោកត្រូវបានចាប់ខ្លួននៅគេហដ្ឋានរបស់លោកកាលពីថ្ងៃទី ៩ ខែមីនា៕
