.jpg)
ប្រទេសថៃ រំពឹងទាក់ទាញភ្ញៀវទេសចរពីឥណ្ឌាក្នុងរដូវបុណ្យប្រពៃណីឥណ្ឌា ដើម្បីជំរុញសេដ្ឋកិច្ចប្រទេសខ្លួនដែលពឹងផ្អែកលើវិស័យទេសចរណ៍។
លោកស្រី Somsong Sachaphimukh អនុប្រធានក្រុមប្រឹក្សាទេសចរណ៍ថៃ បាននិយាយថា វិស័យទេសចរណ៍ថៃនឹងរំពឹងថា ប្រជាជនឥណ្ឌានឹងបន្តដំណើរកម្សាន្តមកប្រទេសថៃ នៅខែក្រោយអំឡុងពិធីបុណ្យ Diwali ដែលជាពិធីបុណ្យប្រពៃណីមួយរបស់ប្រទេសឥណ្ឌា។
លោកស្រី Somsong បានប្រាប់សន្និសីទសារព័ត៌មានកាលពីថ្ងៃទី ២៨ កញ្ញាថា ប្រសិនបើប្រទេសថៃមានគម្រោងបើកប្រទេស និងតំបន់ទេសចរណ៍ឡើងវិញ នៅក្នុងខែវិច្ឆិកានៃថ្ងៃបុណ្យ Diwali អាចជាឱកាសដ៏ល្អមួយសម្រាប់ភ្ញៀវទេសចរឥណ្ឌាចំណាយពេលរបស់ពួកគេមកប្រទេសថៃច្រើន។
លោកស្រីបានបន្តនិយាយថា ភ្ញៀវទេសចរឥណ្ឌា អាចចំណាយប្រាក់ចន្លោះពី ២ ម៉ឺនទៅ ៨ ម៉ឺនបាត ក្នុងអំឡុងពេលធ្វើដំណើរមកប្រទេសថៃ ហើយតំបន់ទេសចរណ៍នីមួយៗអាចបង្កើតប្រាក់ចំណូលពី ១០ លានទៅ ១២០ លានបាត៕
