ក្រុមហ៊ុន Merck & Co Inc (MRK.N) រៀបរាប់កាលពីថ្ងៃចន្ទថា ខ្លួនបានដាក់ពាក្យសុំការអនុញ្ញាតឱ្យប្រើក្នុងគ្រាអាសន្នរបស់សហរដ្ឋអាមេរិកចំពោះថ្នាំរបស់ខ្លួន ដើម្បីព្យាបាលអ្នកជំងឺពីកម្រិតស្រាលទៅកម្រិតមធ្យម ដោយដាក់វាឱ្យក្លាយជាថ្នាំគ្រាប់ប្រឆាំងវីរុសដំបូងគេសម្រាប់ជំងឺនេះ។ នេះបើតាមការឱ្យដឹងពីសារព័ត៌មានរ៉យទ័រ។
ការអនុញ្ញាតពីរដ្ឋបាលចំណីអាហារ និងឱសថអាមេរិក (FDA) អាចជួយផ្លាស់ប្តូរការគ្រប់គ្រងចំនួនការសម្រាកព្យាបាលនៅគ្លីនិកបាន ព្រោះថ្នាំគ្រាប់អាចយកមកនៅផ្ទះបាន។
យោងតាមទិន្នន័យដែលបានចេញផ្សាយកាលពីដើមខែនេះ ការព្យាបាលដោយថ្នាំ molnupiravir កាត់បន្ថយអត្រានៃការចូលមន្ទីរពេទ្យ និងការស្លាប់បានដល់ទៅ ៥០%។
ទិន្នន័យស្ដីពីប្រសិទ្ធភាពបណ្តោះអាសន្នលើថ្នាំដែលត្រូវបានបង្កើតឡើងជាមួយក្រុមហ៊ុន Ridgeback Biotherapeutics បានធ្វើឱ្យភាគហ៊ុនរបស់ក្រុមហ៊ុនផលិតវ៉ាក់សាំងការពារជំងឺកូវីដ ១៩ បានធ្លាក់ចុះយ៉ាងខ្លាំង ហើយបានបង្កើតការប្រជែងគ្នារវាងប្រទេសនានារួមមានម៉ាឡេស៊ី កូរ៉េខាងត្បូង និងសិង្ហបុរី ដើម្បីចុះហត្ថលេខាលើកិច្ចព្រមព្រៀងផ្គត់ផ្គង់ជាមួយក្រុមហ៊ុន Merck ក៏កំពុងកើតឡើងយ៉ាងស្វិតស្វាញដែរ។
ក្រុមហ៊ុន Merck រំពឹងថា នឹងបង្កើតវគ្គព្យាបាលចំនួន ១០ លានវគ្គនៅចុងឆ្នាំ ២០២១។ ក្រុមហ៊ុនដដែលនេះ ក៏បានយល់ព្រមផ្តល់អាជ្ញាប័ណ្ណថ្នាំនេះដល់អ្នកផលិតថ្នាំទូទៅដែលមានមូលដ្ឋាននៅឥណ្ឌាហើយត្រូវបានគេរំពឹងថា នឹងផ្តល់ការព្យាបាលដល់ប្រទេសដែលមានចំណូលទាប និងមធ្យមជាង ១០០ ប្រទេស៕
វីដេអូ៖