ក្រុមហ៊ុនវ៉ាក់សាំងម៉ូឌើណា (Moderna) កាលពីថ្ងៃអង្គារបាននិយាយថា រដ្ឋបាលចំណីអាហារនិងឱសថអាមេរិក (FDA) គួរតែអនុញ្ញាតឱ្យមានការចាក់ដូសទី៣ ចំពោះមនុស្សចាស់ និងក្រុមមនុស្សរស់នៅដោយមានហានិភ័យខ្ពស់។ នេះបើតាមការឱ្យដឹងពីសារព័ត៌មាន CNA។
ក្រុមហ៊ុនដដែលនេះ បានបង្ហាញអំពីទិន្នន័យនៃប្រសិទ្ធភាពរបស់វ៉ាក់សាំងរបស់ខ្លួន ក្នុងការឆ្លើយតបនៃប្រព័ន្ធភាពស៊ាំ ដើម្បីកាត់បន្ថយចំនួននៃការឆ្លងមេរោគថ្មីចំពោះមនុស្សពេញវ័យដែលបានចាក់វ៉ាក់សាំងពេញលេញ។
ការអត្ថាធិប្បាយរបស់ក្រុមហ៊ុនបានឱ្យដឹងក្នុងឯកសារសង្ខេបមុនកិច្ចប្រជុំនៅថ្ងៃព្រហស្បតិ៍ និងថ្ងៃសុក្រសប្ដាហ៍មុនរបស់ទីប្រឹក្សាអ្នកជំនាញខាងក្រៅរបស់រដ្ឋបាល FDA ដើម្បីពិភាក្សាអំពីការបង្កើនកម្រិតថ្នាំវ៉ាក់សាំងកូវីដ ១៩ របស់ម៉ូឌើណា និងវ៉ាក់សាំងចនសុនអ៊ែនចនសុន។
គូប្រជែងវ៉ាក់សាំងនេះ គឺវ៉ាក់សាំងចនសុនអ៊ែនចនសុនកាលពីថ្ងៃអង្គារ ក៏បានដកស្រង់ទិន្នន័យដែលបង្ហាញពីការបង្កើនការការពារប្រសិទ្ធភាពវ៉ាក់សាំង ដែលអាចនឹងចែកចាយក្នុងរយៈពេល ២ ខែ បន្ទាប់ពីចែកចាយវ៉ាក់សាំងបាច់ដើមរបស់ខ្លួន៕