.jpg)
កងកម្លាំងតាលីបង់យាមនៅស្នាក់ការប៉ូលិស។ រូបថត AFP
អាជ្ញាធរតាលីបង់បានសន្យាបង្កើនសន្តិសុខនៅវិហារអ៊ិស្លាមស៊ីអ៊ីត ខណៈដែលមនុស្សរាប់រយនាក់បានប្រមូលផ្តុំគ្នាកាលពីថ្ងៃសៅរ៍ ដើម្បីបញ្ចុះជនរងគ្រោះនៃការវាយប្រហារអត្តឃាតលើកទី២ របស់រដ្ឋអ៊ិស្លាមទៅលើអ្នកគោរពបូជាក្នុងរយៈពេល ១ សប្តាហ៍។
ក្រុមរដ្ឋអ៊ិស្លាមស៊ុននី បានអះអាង ទទួលខុសត្រូវ ចំពោះការវាយប្រហារលើវិហារអ៊ិស្លាមហ្វាទីម៉ាក្នុងទីក្រុងកាន់ដាហា ដែលបានឃើញក្រុមអ្នកបំផ្ទុះគ្រាប់បែកអត្តឃាតមួយក្រុមបានបាញ់រះចូលវិហារអ៊ិស្លាមមុនពេលបំផ្ទុះខ្លួនឯងក្នុងចំណោមអ្នកគោរពបូជាអំឡុងពេលអធិដ្ឋានកាលពីថ្ងៃសុក្រ។
មន្ត្រីសុខាភិបាលម្នាក់បាននិយាយថា ចំនួនអ្នកស្លាប់ដោយសារការវាយប្រហារនេះ មានចំនួន ៤១ នាក់ និង ៧០ នាក់រងរបួស ប៉ុន្តែចំនួននេះអាចនឹងកើនឡើងបន្ថែមទៀត។ លោកបាននិយាយថា អ្នករបួសខ្លះស្ថិតក្នុងស្ថានភាពធ្ងន់ធ្ងរ ហើយក្រុមគ្រូពេទ្យកំពុងព្យាយាមបញ្ជូនពួកគេទៅកាប៊ុល។
គួរបញ្ជាក់ផងដែរថា កាលពីថ្ងៃសៅរ៍ ហ្វូងមនុស្សដ៏ធំបានប្រមូលផ្តុំគ្នា ដើម្បីបញ្ចុះជនរងគ្រោះដែលមានពាក់អាវពណ៌សនៅក្នុងផ្នូរដ៏ធំមួយនៅទីក្រុងកាន់ដាហារភាគខាងត្បូង។
ប្រមុខប៉ូលិសបាននិយាយថា អង្គភាពនឹងត្រូវបានចាត់តាំងឱ្យការពារវិហារអ៊ិស្លាមនិកាយស៊ីអ៊ីត ដែលរហូតមកដល់ពេលនេះត្រូវបានការពារ ដោយកងកម្លាំងស្ម័គ្រចិត្តក្នុងតំបន់ ដោយមានការអនុញ្ញាតពិសេសក្នុងការកាន់អាវុធ៕
