កាលពីថ្ងៃព្រហស្បតិ៍ កន្លងទៅ កោះបាលីបានចាប់ផ្ដើមបើកដំណើរការឡើងវិញ សម្រាប់អ្នកទេសចរអន្តរជាតិមកទស្សនាហាង និងឆ្នេរខ្សាច់សជាលើកដំបូង សម្រាប់អ្នកចាក់វ៉ាក់សាំងរួច និងមានតេស្តអវិជ្ជមាន បើទោះមានការរឹតត្បិតភ្ញៀវមកប្រទេសមួយចំនួន និងវិធានការដាក់ឱ្យនៅដាច់ដោយឡែកខ្លះក៏ដោយ។
កីឡាប្រណាំងគោ ដែលជាកីឡាមកពីកោះម៉ាឌូរ៉ាដែលជាកោះមួយ ស្ថិតនៅឆ្នេរសមុទ្រភាគឦសាននៃកោះចាវ៉ា បានចាប់ផ្ដើមប្រកួតឡើងវិញក្នុងគោលបំណងអបអរសាទរការបញ្ចប់ការប្រមូលផលស្រូវ។
រដូវប្រណាំងជាធម្មតាមានរយៈពេលចាប់ពីខែកក្កដា ដល់ខែវិច្ឆិកា ប៉ុន្តែត្រូវបានរំសាយចោលកាលពីឆ្នាំមុន ដើម្បីទប់ស្កាត់ការរីករាលដាលនៃជំងឺកូវីដ ១៩។ រដូវកាលឆ្នាំនេះ ក៏ត្រូវបានលុបចោលផងដែរ ប៉ុន្តែសម្រេចឱ្យមានការប្រកួតឡើងវិញនៅនាទីចុងក្រោយ បន្ទាប់ពីអត្រាឆ្លងនៅកោះបាលីធ្លាក់ចុះហើយការរឹតត្បិតគម្លាតពីសង្គម ក៏ត្រូវបានបន្ធូរបន្ថយដែរ។
រដូវកាលឆ្នាំនេះ នឹងមានការប្រកួតតែ ២ លើកប៉ុណ្ណោះ ដោយលើកទី២ ប្រព្រឹត្តនៅថ្ងៃទី ១៧ ខែតុលា ដែលធម្មតាប្រព្រឹត្តនៅថ្ងៃទី ១៣ និងអនុញ្ញាតឱ្យមានរទេះអតិបរមាតែ ២០ គ្រឿងប៉ុណ្ណោះ និងអនុញ្ញាតឱ្យមានមនុស្សចូលរួមការប្រកួតច្រើនបំផុត ១៥០ នាក់។ ដោយឡែកពិធីជប់លៀងមុនពេលរាត្រី ដែលជាការប្រគំតន្ត្រី ការឡើងភ្នំខ្លាញ់ ការប្រកួតខ្លែងនិងការដង្ហែគោក្បាលពណ៌ចម្រុះ មិនត្រូវបានគេអនុញ្ញាតឡើយ។
នៅលើកោះម៉ាឌូរ៉ាការប្រណាំងគោធ្វើឡើងនៅលើដីខ្សាច់រាងចតុកោណដែលមានសត្វ ១ គូទាញរទេះចំបាប់ ដែលដាក់នៅលើគល់ឈើចម្ងាយជាង ១០០ ម៉ែត្រ ក្នុងរយៈពេលត្រឹមតែ ៩ វិនាទីប៉ុណ្ណោះ។ បើទោះជាការលេងល្បែងស៊ីសង ជារឿងខុសច្បាប់នៅឥណ្ឌូនេស៊ី តែគោដែលឈ្នះអាចលក់បានថ្លៃ រហូតដល់ ១០,០០០ ដុល្លារអាមេរិក។
នៅកោះបាលីកីឡាមិនសូវគិតពីការឈ្នះ និងប្រាក់ប៉ុន្មានទេ ប៉ុន្តែគេគិតអំពីមោទនភាព និងកិត្យានុភាពច្រើនជាង។ គោដែលប្រកួត ត្រូវទាញរទេះរុញឈើឆ្លាក់ដោយដៃមនុស្ស ជាមួយនឹងបន្ទះដែកសំណប៉ាហាំងស្តើងៗដែលដាក់នៅលើកង់។ ការប្រណាំង ធ្វើឡើងរវាង ២ ក្រុម ក្នុងពេលតែមួយនិងមានចម្ងាយប្រហែល ២ គីឡូម៉ែត្រ។ ដើម្បីកាត់បន្ថយការប៉ះទង្គិចគ្នា ក្រុមមួយៗ ត្រូវបានដាក់ឱ្យនៅចម្ងាយ ១០ ម៉ែត្រពីគ្នានៅពេលចាប់ផ្តើមការប្រកួតនីមួយៗ។
ប្រសិនបើក្រុម ១ បានបង្រួម ឬបង្កើនគម្លាតរវាងក្រុមផ្សេងទៀតនៅចំពោះមុខពួកគេនឹងឈ្នះ និងឈានទៅវគ្គបន្ទាប់។ ការយកឈ្នះ គឺអាចធ្វើទៅបានប៉ុន្តែមានភាគតិចកម្រនិងអាចបង្កហានិភ័យគ្រោះថ្នាក់ដល់អ្នកជិះកង់ និងអ្នកទស្សនាដូចគ្នាទៀតផង។
គួរបញ្ជាក់ផងដែរថា នៅកោះជ្វានិងកោះបាលី ត្រូវបានគេនិយាយនៅក្នុងសេចក្តីថ្លែងការណ៍មួយថា ព្រលានយន្តហោះនៅកោះបាលី នឹងស្វាគមន៍ជនបរទេសមកពី ១៩ ប្រទេសដែលបំពេញតាមលក្ខណវិនិច្ឆ័យរបស់អង្គការសុខភាពពិភពលោក។
ប្រទេសទាំង ១៩ នោះអាចទៅទស្សនាខេត្តកោះបាលី បានរួមមាន អារ៉ាប៊ី សាអ៊ូឌីត អេមីរ៉ាតអារ៉ាប់រួម នូវែលសេឡង់ គុយវ៉ែត បារ៉ែន កាតា ចិន ឥណ្ឌា ជប៉ុន កូរ៉េខាងត្បូង លីកតេនស្តាន អ៊ីតាលី បារាំងព័រទុយហ្គាល់ អេស្ប៉ាញ ស៊ុយអែត ប៉ូឡូញ ហុងគ្រី និងន័រវែស៕