ក្រុមហ៊ុន Gazprom របស់រុស្ស៊ីបានធ្វើឱ្យក្តីសង្ឃឹមផ្គត់ផ្គង់ឧស្ម័នបន្ថែមទៅកាន់ទ្វីបអឺរ៉ុប កើតមាននៅខែក្រោយនេះ ខណៈដែលទ្វីបនេះ កំពុងប្រឈមនឹងវិបត្តិតម្លៃឧស្ម័នឡើងខ្ពស់។
តម្លៃឧស្ម័ននៅចក្រភពអង់គ្លេស និងអ៊ឺរ៉ុបបានកើនឡើងរហូតដល់ ១៨ ភាគរយកាលពីថ្ងៃចន្ទ បន្ទាប់ពីការដេញថ្លៃយ៉ាងអន្ទះសាមួយបានបង្ហាញថា គ្មានការកើនឡើងតម្លៃឧស្ម័នពីប្រទេសរុស្ស៊ីទេ សម្រាប់ការបញ្ចូនឧស្ម័នតាមរយៈប្រព័ន្ធបំពង់អ៊ុយក្រែន ឬខ្សែឆ្លងកាត់ប្រទេសប៉ូឡូញ ទៅកាន់អឺរ៉ុបភាគពាយព្យ។
ពាណិជ្ជករនិងអ្នកវិភាគនិយាយថា លទ្ធផលនៃការដេញថ្លៃនេះ គឺជាការបង្ហាញចុងក្រោយថា រុស្ស៊ីកំពុងប្រញាប់ប្រញាល់បញ្ជូនឧស្ម័នបន្ថែមទៅអឺរ៉ុប អាចធ្វើឱ្យការផ្គត់ផ្គង់កាន់តែតឹងតែងនៅពេលរដូវរងា ចាប់ផ្តើម និងបង្កើនលទ្ធភាពនៃការខ្វះខាត ប្រសិនបើអាកាសធាតុត្រជាក់ជាងធម្មតា។
ខណៈពេលដែលលោក Putin និងមន្រ្តីវិមានក្រឹមឡាំង បានប្រាប់ពីការបញ្ជូនឧស្ម័នបន្ថែម ពួកគេក៏បាននិយាយពីការយល់ព្រមរបស់អាល្លឺម៉ង់ចំពោះការចាប់ផ្តើមដំណើរការបំពង់ Nord Stream 2 ដ៏ចម្រូងចម្រាស ដែលឆ្លងកាត់អ៊ុយក្រែនដែលជាគន្លឹះក្នុងការបង្កើនការផ្គត់ផ្គង់រួមជាមួយក្រុមហ៊ុន ដែលមានឆន្ទៈក្នុងការចុះហត្ថលេខាបន្ថែមទៀតលើកិច្ចសន្យារយៈពេលវែង។
លោកស្រី Rona Smith នាយកប្រតិបត្តិនៅក្រុមហ៊ុន BCS Global Markets បានមានប្រសាសន៍ថា៖ «ក្រុមហ៊ុន Gazprom ប្រាកដជាសន្មតថា Nord Stream 2 នឹងត្រូវបានអនុម័តនាពេលអនាគតដ៏ខ្លីខាងមុខ ហើយវាកំណត់ទីតាំងរបស់វាតាមនោះ»។
កម្រិតនៃការព្រួយបារម្ភលើការផ្គត់ផ្គង់នៅអឺរ៉ុបបានធ្វើឱ្យកិច្ចសន្យាឧស្ម័នស្តង់ដា សម្រាប់ការចែកចាយនៅខែវិច្ឆិកា កើនឡើង បន្ទាប់ពីលទ្ធផលនៃការដេញថ្លៃកើនឡើង ១៨ ភាគរយដល់ ១០៤ ផោន ក្នុង ១ មេហ្គាវ៉ាត់ម៉ោង ខណៈពេលដែលកិច្ចសន្យារបស់ចក្រភពអង់គ្លេសបានកើនឡើងជាង ១៥ ភាគរយ ដល់ ២,៧១ ផោន ក្នុង ១ កម្ដៅ។
តម្លៃនេះ មានភាពខ្ពស់ជាងឆ្នាំមុន ៥ ដង ដែលនេះជាការគំរាមកំហែងដល់ការងើបឡើងវិញនៃសេដ្ឋកិច្ចពីជំងឺរាតត្បាត ដោយអាជីវកម្មដែលពឹងផ្អែកលើថាមពល បានព្រមានថា ពួកគេប្រហែលជាត្រូវការកាត់បន្ថយផលិតកម្ម។
គួរបញ្ជាក់ផងដែរថា ទីភ្នាក់ងារថាមពលអន្តរជាតិបាននិយាយនៅខែនេះថា ខ្លួនជឿជាក់ថា រុស្ស៊ីមានសមត្ថភាពជំរុញការនាំចេញប្រហែល ១៥ ភាគរយទៅអឺរ៉ុប៕