The Phnom Penh Post Search

Search form

Logo of Phnom Penh Post newspaper Phnom Penh Post - យ៉ាង​ហោច​ណាស់​ ​២៦ ​នាក់បាន​​ស្លាប់​ ដោយ​សារ​គ្រោះ​ទឹក​ជំនន់​នៅ​ភាគ​ខាង​ត្បូង​ប្រទេស​ឥណ្ឌា




យ៉ាង​ហោច​ណាស់​ ​២៦ ​នាក់បាន​​ស្លាប់​ ដោយ​សារ​គ្រោះ​ទឹក​ជំនន់​នៅ​ភាគ​ខាង​ត្បូង​ប្រទេស​ឥណ្ឌា

Content image - Phnom Penh Post
យ៉ាង​ហោច​ណាស់​ ​២៦ ​នាក់បាន​​ស្លាប់​ ដោយ​សារ​គ្រោះ​ទឹក​ជំនន់​នៅ​ភាគ​ខាង​ត្បូង​ប្រទេស​ឥណ្ឌា។ រូបថត AFP

យ៉ាង​ហោច​ណាស់​ ​២៦ ​នាក់បាន​​ស្លាប់​ ដោយ​សារ​គ្រោះ​ទឹក​ជំនន់​នៅ​ភាគ​ខាង​ត្បូង​ប្រទេស​ឥណ្ឌា

មន្រ្តី​ក្នុង​តំបន់​ឥណ្ឌា​បាននិយាយ​ថា​ មនុស្ស​យ៉ាង​ហោច​ណាស់ ​​២៦ នាក់ ត្រូវ​​ស្លាប់​ដោយ​សារ​គ្រោះ​ទឹក​ជំនន់​ និង​ការ​រអិល​បាក់​ដី​នៅ​រដ្ឋ​ Kerala​ ភាគ​ខាង​ត្បូង​ប្រទេស​ឥណ្ឌា ​បន្ទាប់​ពី​មាន​ភ្លៀង​ធ្លាក់​ជោកជាំ​បណ្តាល​ឱ្យ​ទឹក​ទន្លេ​ហូរ​កាត់​ផ្តាច់​ទី​ក្រុង​ និង​ភូមិ​កាល​ពី​ចុង​សប្ដាហ៍​មុន​។​

​មានក្មេង​ ៥ នាក់​ ស្ថិត​ក្នុង​ចំណោម​អ្នក​ស្លាប់​ ហើយ​ចំនួន​អ្នក​ស្លាប់​អាច​នឹង​កើន​ឡើង​​បន្ថែម​ទៀត​ដោយ​សារ​មនុស្ស​ជា​ច្រើន​កំពុង​បាត់​ខ្លួន​ ខណៈ​ផ្ទះ​ជា​ច្រើន​ខ្នង​ក្នុង​ស្រុក​ Kottayam ដែល​មាន​មនុស្ស​ជាប់​នៅ​ក្នុង​នោះ ត្រូវ​បាន​ទឹក​អូស​នាំ​យក​​ទៅ​បាត់។ ​ស្រុក ​Kottayam ​និង ​Idukki ​គឺ​ជា​ស្រុក ​២ ​ដែល​រង​ផល​ប៉ះពាល់​ធ្ងន់​ធ្ងរ​បំផុត​នៅ​ក្នុង​រដ្ឋ​ដែល​មាន​ភ្លៀង​ធ្លាក់​ច្រើន​ថ្ងៃ​បណ្តាល​ឱ្យ​មាន​ការ​រអិល​បាក់​ដី​​​។

មនុស្ស​រាប់​ពាន់​នាក់​ត្រូវ​បាន​ជម្លៀស​ចេញ​ ហើយ​ជំរំ​ជួយ​សង្គ្រោះ​ចំនួន​ ១៨៤ កន្លែង​ ត្រូវ​បាន​បង្កើត​ឡើង​នៅ​ទូទាំង​រដ្ឋ​ Kerala ​ដែល​មាន​មនុស្ស​ជាង​ ៨ ០០០​ នាក់ ​កំពុង​ត្រូវ​បាន​ផ្តល់​អាហារ​ ទី​ជម្រក​ និង​សម្លៀក​បំពាក់​។​ រដ្ឋាភិបាល​ឥណ្ឌា​ ក៏​បាន​ប្រកាស​ផ្តល់​ជំនួយ​ហិរញ្ញវត្ថុ​ដល់​អ្នក​ដែល​​បាត់​បង់​ផ្ទះ​សំបែង ​និង​ផលដំ​ណាំ​ផង​ដែរ​។​

កាល​ពី​ថ្ងៃ​ច័ន្ទ​ ទំនប់​វារី​អគ្គិសនី​មួយ​ចំនួន​នៅ​ទូទាំង​រដ្ឋ​ Kerala ​ត្រូវ​បាន​បើក​ដើម្បី​កាត់​បន្ថយ​ហានិភ័យ​​​នៃ​ទឹក​ជោរ​ជន់​។​ ​នៅ​ឆ្នាំ​ ២០១៨ ​មនុស្ស​ជិត​ ៥០០ ​នាក់​បាន​ស្លាប់​នៅ​ក្នុង​រដ្ឋ​ Kerala ​នៅ​ពេល​​ទឹក​ជំនន់​ដ៏​អាក្រក់​បំផុត​​វាយ​ប្រហារ​រដ្ឋ​​នេះ​។​​ កាល​នោះ​ មាន​ភាព​ចម្រូង​ចម្រាស​ជាច្រើន​ជុំ​វិញ​ការ​ពិត​ដែល​ថា​ ទំនប់​វារីអគ្គិសនី​ត្រូវ​បាន​បើក​ដោយ​គ្មាន​ការ​ព្រមាន​ដល់​ប្រជាជន​ដែល​រស់​នៅ​តំបន់​ទំនាប​ខាង​ក្រោម​។​

​នាយក​ដ្ឋាន​ឧតុនិយម​ឥណ្ឌា​​និយាយ​ថា​ ភ្លៀង​ធ្លាក់​ខ្លាំង​ជោក​ជាំ​កាល​ពី​ចុង​សប្ដាហ៍​មុន​ ​បណ្តាល​មក​ពី​តំបន់​សម្ពាធ​ទាប​មួយ​នៅ​សមុទ្រ​​អារ៉ាប់​​​ភាគ​អាគ្នេយ៍ ​និង​រដ្ឋ​ Kerala ​ហើយ​ថយ​ចុះ​មក​វិញ​នៅ​ថ្ងៃ​ចន្ទ​។​ ការិយាល័យ​អាកាស​ធាតុ​​និយាយ​ថា ​នៅ​ភាគ​ខាង​ជើង​ប្រទេស​ឥណ្ឌា ​រដ្ឋ​មួយ​ចំនួន​រួម​ទាំង​តំបន់​ហិមាល័យ​នៃ​រដ្ឋ​ Uttarakhand ​និង​រដ្ឋ​ Himachal​ Pradesh ផង​​នឹង​មាន​ភ្លៀង​ធ្លាក់​ខ្លាំង​រហូត​ដល់ជោកជាំ​​​ក្នុង​រយៈពេ​ល​ ២​ ទៅ ៣ ​ថ្ងៃ​ខាង​មុខ​នេះ​៕

​ហួន ​​ឌីណា​

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។