.jpg)
មន្ត្រីសន្តិសុខព្រលានយន្តហោះម្នាក់ត្រួតពិនិ្យអ្នកដំណើរមនុស្សគាត់ចាកចេញតាមជើងហោះហើររបស់ក្រុមអាកាសចរណ៍សិង្ហបុរីនៅព្រលានយន្តហោះអន្តរជាតិ Kuala Lumpurកាលពីថ្ងៃទី២៩ វិច្ឆិកា។ AFP
សិង្ហបុរី និងម៉ាឡេស៊ីចាប់ផ្ដើមបើកព្រំដែនដីគោកក្រោមកម្មវិធីច្រកធ្វើដំណើរវ៉ាក់សាំង (VTL) ចាប់ពីថ្ងៃចន្ទតទៅ ដោយអ្នកធ្វើដំណើរដែលបានចាក់វ៉ាក់សាំងបានគ្រប់គ្រាន់ហើយមិនចាំបាច់ធ្វើចត្តាឡីស័កទៀតឡើយ។
បើយោងតាមគោលការណ៍ណែនាំរបស់រដ្ឋាភិបាលសិង្ហបុរីនៅក្នុងជំហានទី១ នេះ ដើម្បីចេញ-ចូលម៉ាឡេស៊ីឬ សិង្ហបុរី ដោយមិនឆ្លងកាត់ចត្តាឡីស័ក អ្នកដំណើរទាំងអស់ត្រូវតែធ្វើដំណើរតាមរថយន្តក្រុងដែលកំណត់ដោយរដ្ឋាភិបាលនៃប្រទេសទាំង ២។ ក្នុង ១ ថ្ងៃៗ នឹងមានរថយន្តសរុបចំនួន៣២ជើង ដើម្បីដឹកជញ្ជូនអ្នកដំណើរឆ្លងកាត់ស្ពានចម្ងាយ ១ គីឡូម៉ែត្រ ដែលផ្សារភ្ជាប់ប្រទេសទាំង ២។
ចំណែកឯអ្នកដែលប្រើប្រាស់យានយន្តផ្ទាល់ខ្លួនអាចនឹងប្រឈមនឹងវិធានការចាំបាច់ណាមួយដោយក្នុងនោះដែរក៏រួមមានទាំងការធ្វើចត្តាឡីស័កក្នុងកន្លែងស្នាក់នៅរយៈពេល៧ថ្ងៃផងដែរ។
បន្ថែមពីលើនេះទៀត ការឆ្លងកាត់ក្រោមច្រក VTL នេះធ្វើឡើងតែសម្រាប់ពលរដ្ឋនិងអ្នកស្នាក់នៅអចិន្ត្រៃយ៍នៅសិង្ហបុរីនិងម៉ាឡេស៊ីប៉ុណ្ណោះ ហើយអ្នកដំណើរចាប់ពីអាយុ ១២ ឆ្នាំឡើងទៅត្រូវតែធ្វើតេស្តកូវីដ ១៩ រយៈពេល ២ ថ្ងៃមុនចេញដំណើរ។
ជាមួយគ្នានេះដែរអ្នកដំណើរទាំងអស់ត្រូវតែចាក់វ៉ាក់សាំងឱ្យបានពេញលេញរយៈពេល ១៤ ថ្ងៃ មុននឹងចេញដំណើរ៕
ហ៊ីម រដ្ឋា
