The Phnom Penh Post Search

Search form

Logo of Phnom Penh Post newspaper Phnom Penh Post - នាយករដ្ឋ​មន្រ្តី​​កោះ​សាឡូម៉ុន​ ហៅ​កុបកម្ម​ដែល​បំបែក​បំបាក់​​ប្រទេស​ថា ​ជា​ការ​គ្រោង​ទុក​ដោយ​ចេតនា​អាក្រក់​




នាយករដ្ឋ​មន្រ្តី​​កោះ​សាឡូម៉ុន​ ហៅ​កុបកម្ម​ដែល​បំបែក​បំបាក់​​ប្រទេស​ថា ​ជា​ការ​គ្រោង​ទុក​ដោយ​ចេតនា​អាក្រក់​

Content image - Phnom Penh Post
ប្រជាជនតម្រង់ខណៈពួកគេព្យាយាមចូលកន្លែងធ្វើការរបស់ពួកគេវិញបន្ទាប់ពីកុបកម្មបណ្តាលឱ្យមនុស្សយ៉ាងតិច៣នាក់ស្លាប់។ AFP

នាយករដ្ឋ​មន្រ្តី​​កោះ​សាឡូម៉ុន​ ហៅ​កុបកម្ម​ដែល​បំបែក​បំបាក់​​ប្រទេស​ថា ​ជា​ការ​គ្រោង​ទុក​ដោយ​ចេតនា​អាក្រក់​

នាយក​រដ្ឋ​មន្រ្តី​នៃ​កោះ​សាឡូម៉ុន​ ​(Solomon)​ ដែល​ជាទឹកដី​​រងគ្រោះ​ដោយ​កុបកម្ម​និយាយ​​ប្រឆាំង​នឹង​សម្ពាធ​ឱ្យ​លោក​លាលែង​ចេញ​ពី​តំណែង​​កាល​ពី​ថ្ងៃ​អាទិត្យ ដោយ​​ថា​ អំពើ​ហិង្សា​ដែល​​វាយ​លុក​រដ្ឋ​ធានី​ត្រូវ​បាន​រៀប​ចំ​ដោយ​មនុស្ស​ ២-៣ នាក់​ ជាមួយ​នឹង ​«​ចេតនា​អាក្រក់​»​ដើម្បី​ផ្តួល​រំលំ​លោក​។​​

លោក​នាយក​រដ្ឋ​មន្ត្រី ​Manasseh Sogavare ​​និយាយ​​ក្នុង​សុន្ទរកថា​​​ថា​៖​ «​វា​ច្បាស់​ណាស់​ថា​ព្រឹត្តិការណ៍​ថ្មី​ៗ ​ត្រូវ​បាន​គ្រោង​ទុក​យ៉ាង​ល្អ​ និង​រៀបចំ​ដើម្បី​ដក​ខ្ញុំ​ចេញ​ពី​តំណែង​ជា​នាយក​រដ្ឋ​មន្ត្រី​សម្រាប់​ហេតុ​ផល​ដែល​មិន​អាច​បញ្ជាក់​បាន​»​។​ លោក​បន្ត​ថា​៖​ «​ខ្ញុំ​​ចង់​​បង្ហាញ​​ប្រជាជាតិ​​ថា​ រដ្ឋាភិបាល​​មាន​​ចេតនា​​ពេញ​លេញ​ ហើយ​​មិន​​មាន​​អ្វី​​អាច​​ជំរុញ​​យើង​​បាន​​ឡើយ​។​ យើង​ត្រូវ​តែ​ និង​នឹង​មិន​ចុះ​ចាញ់​ចំពោះ​ចេតនា​អាក្រក់​របស់​មនុស្ស​២-៣​នាក់​ឡើយ​»​។​

លោក​Sogavare​​ធ្លាប់​ស្តី​បន្ទោស​អំពើ​ហិង្សា​ដែល​មាន​រយៈ​ពេល​៣ថ្ងៃ​ក្នុង​អំឡុង​ពេល​ដែល​ក្រុម​កុបកម្ម​​ដុត​បំផ្លាញ​រដ្ឋធានី​Honiara ​មុន​ពេល​ភាព​ចលាចល​បាត់​ទៅ​វិញ​នៅ​ចុង​សប្តាហ៍​លើ​មនុស្ស​មួយ​ចំនួន​ដែល​មិន​សម​ហេតុ​ផល​ដែល​នាំ​ឱ្យ​អ្នក​ដទៃ​វង្វេង​ជាមួយ​នឹង​ព័ត៌មាន​មិន​ពិត​។

នាយក​រដ្ឋ​មន្រ្តី​រូប​នេះ​និយាយ​ថា​ អំពើ​ហិង្សា​ដែល​ផ្តោត​លើ​​ឆៃណាថោន ​(Chinatown) ​ក្នុង​រដ្ឋ​ធានី​​បណ្តាល​ឱ្យ​ខូច​ខាត​ប្រាក់ ​២៥​ លាន​ដុល្លារ​និង​​បំផ្លាញ​ការងារ​ចំនួន ​១ ០០០​ ខណៈ​ដែល​សេដ្ឋកិច្ច​របស់​ប្រទេស​ដុន​ដាប​ស្រេច​ទៅ​ហើយ​ដោយ​សារ​តែ​វីរុស​កូរ៉ូណា​។​

​ប្រតិបត្តិ​ការ​បោស​សម្អាត​​ចាប់​ផ្តើម​នៅក្នុ​ង​រដ្ឋ​ធានី​ ខណៈ​ដែល​ទាហាន​ និង​ប៉ូលិស​មក​ពី​ប្រទេស​អូស្ត្រាលី ​និង​ប៉ាពូអាស៊ីនូវែល​ហ្គីណេ​​ជួយ​ធ្វើ​ឱ្យ​ស្ថានភាព​មាន​សភាព​ស្ងប់​ស្ងាត់​ឡើង​វិញ​ បន្ទាប់​ពី​កុបកម្ម​ដ៏​ខ្លាំង​ក្លា​ផ្ទុះ​ឡើង​ជា​ច្រើន​ថ្ងៃ​។​

​មន្ត្រី​កាកបាទ​ក្រហម​លោក ​Kennedy Waitara ​​ប្រាប់​ទីភ្នាក់ងារ​ព័ត៌មាន​ ​អាអេហ្វ​ ប៉េ​​ថា​៖​ «​ស្ថានភាព​បាន​ស្ងប់​ស្ងាត់​ហើយ​ មនុស្ស​ក៏​ធ្វើ​ដំណើរ​ជា​ធម្មតា​ ប៉ុន្តែប​រិស្ថាន​នៅ​តែ​មិន​ទាន់​ដឹង​នៅ​ឡើយ​ទេ​»​។​លោក​​​ថា​​ ហាង​​លក់​​អាហារ​​ជា​​ច្រើន​​ត្រូវ​​បាន​​ដុត​​បំផ្លាញ​​នៅ​​​ក្នុង​​កុបកម្ម​។​

​លោក ​Waitara​ និយាយ​ថា​៖​ «​​​វា​​នឹង​​មិន​​មាន​​អ្វី​​គួរ​​ឱ្យ​​​ភ្ញាក់​​ផ្អើល​​​ទេ ​ប្រសិន​​​បើ​​យើង​​ជួប​​នឹង​​ការ​​ខ្វះ​ខាត​​ស្បៀង​​អាហារ​ និង​​ការ​​ឡើង​​​ថ្លៃ​​ទំនិញ​។​ភាព​អត់​ការងារ​ធ្វើ​ពិត​ជា​នឹងកើន​ឡើង​ក្នុង​ប៉ុន្មាន​សប្តាហ៍​ខាង​មុខ​នេះ​»​។​

​​កុបកម្មបាន​ផ្ទុះ​ឡើង​កាល​ពី​ថ្ងៃ​ពុធ​ បន្ទាប់​ពី​ក្រុម​អ្នក​តវ៉ា​​ព្យាយាម​សម្រុក​ចូល​សភា​របស់​ប្រទេស​ក្នុង​កោះ​ប៉ាស៊ីហ្វិក​មួយ​នេះ​ ដោយ​ជំរុញ​ឱ្យ​ប៉ូលិស​បាញ់​ឧស្ម័ន​បង្ហូរ​ទឹក​ភ្នែក​។​ បន្ទាប់​​ម​ក ក្រុម​​បាតុករ​​​ដុត​​អគារ​​នានា​ រួម​​ទាំង​​ប៉ុស្តិ៍​​ប៉ូលិស​ និង​​ហាង​​លក់​​ទំនិញ​។​ គិត​ត្រឹម​ថ្ងៃ​សុក្រ ​ប៉ូលិស​ ចាប់​ខ្លួន​មនុស្ស​ជាង​ ១០០ ​នាក់​ ខណៈ​អគារ​ចំនួន​ ៥៦ ​ខ្នង ​ក្នុង​រដ្ឋ​ធានី​ត្រូវបា​ន​ដុត​បំផ្លាញ​ និង​លួច​៕

ហួន​ ឌីណា​

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។