The Phnom Penh Post Search

Search form




Logo of Phnom Penh Post newspaper Phnom Penh Post - សិង្ហបុរី និង​ម៉ាឡេស៊ី​សន្យា​បន្ត​បើក​ព្រំដែន​បន្ថែម​ទៀត ទោះ​ជា​ពិភពលោក​កំពុង​បារម្ភ​ពី​វ៉ារ្យ៉ង់​អូមីក្រុង​ក៏​ដោយ

សិង្ហបុរី និង​ម៉ាឡេស៊ី​សន្យា​បន្ត​បើក​ព្រំដែន​បន្ថែម​ទៀត ទោះ​ជា​ពិភពលោក​កំពុង​បារម្ភ​ពី​វ៉ារ្យ៉ង់​អូមីក្រុង​ក៏​ដោយ

Content image - Phnom Penh Post
អ្នកដំណើរស្លៀកពាក់ឈុតការពារ ពិនិត្យមើលព៌ត៌មានលម្អិតជើងហោះហើរនៅព្រលានយន្តហោះអន្តរជាតិ Kuala Lumpur កាលពីថ្ងៃទី ២៩ វិច្ឆិកា។ AFP

សិង្ហបុរី និង​ម៉ាឡេស៊ី​សន្យា​បន្ត​បើក​ព្រំដែន​បន្ថែម​ទៀត ទោះ​ជា​ពិភពលោក​កំពុង​បារម្ភ​ពី​វ៉ារ្យ៉ង់​អូមីក្រុង​ក៏​ដោយ

សិង្ហបុរី​នៅ​តែ​មាន​បំណង​ក្នុង​ការ​បន្ត​ពង្រីក​ច្រក​ធ្វើ​ដំណើរ​វ៉ាក់សាំង (VTL) ជាមួយ​ម៉ាឡេស៊ី​បន្ថែម​ទៀតទោះ​បី​ជា​អង្គការ​សុខភាព​ពិភពលោក​ (WHO) កំពុង​តែ​បង្ហាញ​ពី​ក្ដី​បារម្ភ​ចំពោះ​វីរុស​កូវីដ ១៩ វ៉ារ្យ៉ង់​អូមីក្រុង។នេះ​បើ​តាម​ការ​លើកឡើង​របស់​លោក លី សៀនឡុង នាយករដ្ឋមន្ត្រី​សិង្ហបុរី។

លោក លី បាន​ថ្លែង​ក្នុង​ឱកាស​នៃ​ដំណើរ​ទស្សនកិច្ច​របស់​លោក អ៊ីស្មែល សាប្រ៊ី នាយករដ្ឋមន្ត្រី​ម៉ាឡេស៊ី​មក​កាន់​ប្រទេស​សិង្ហបុរី។ នាយករដ្ឋមន្ត្រី​ទាំង ​២ បាន​ធ្វើ​ការ​សម្ពោធ​ច្រកVTL តាម​ផ្លូវ​គោកដោយ​ពលរដ្ឋ​នៃ​ប្រទេស​ទាំង​២​អាច​ចេញ​-ចូល​ទៅ​រក​គ្នា​បាន​ដោយ​មិន​ឆ្លង​​កាត់​ការ​ធ្វើ​ចត្តាឡីស័ក។យ៉ាងណាមិញក្នុង​ជំហាន​ដំបូង​អ្នក​ដំណើរ​ត្រូវ​​អវិជ្ជមាន​ជំងឺ​កូវីដ ១៩ ២ ថ្ងៃ​មុន​ចេញ​ដំណើរហើយ​ត្រូវ​តែ​ធ្វើ​ដំណើរ​តាម​ឡាន​ក្រុងដែល​ចាត់​ចែង​ដោយ​ប្រទេស​ទាំង​ ២។

«ប្រាកដ​ណាស់រឿង​ទាំង​នេះ​អាច​ធ្វើ​ឡើង​បាន​ដោយ​សារ​តែ​ស្ថានភាព​កូវីដ១៩​អំណោយផលតែ​យើង​នៅ​តាម​ដាន​ប្រកប​ដោយ​ក្ដី​ព្រួយបារម្ភ​អំពី​ការ​វិវឌ្ឍនានា​របស់​វ៉ារ្យ៉ង់​អូមីក្រុង»។ នេះ​ជា​ការ​លើកឡើង​របស់​លោក លី។

លោក​បាន​បន្ថែម​ថា៖ «ទោះ​បី​ជា​វ៉ារ្យង់​អូមីក្រុង​បង្អាក់​ផែនការ​របស់​យើងគោលដៅ​របស់​យើង​នៅ​តែ​ដដែល​ គឺយើង​ត្រូវ​តែ​បើក​ព្រំដែន​រវាង​ម៉ាឡេស៊ីនិង​សិង្ហបុរី​បន្ថែម​ទៀត»។

ជាមួយ​គ្នា​នេះ​ដែរ នាយករដ្ឋមន្ត្រី​នៃ​ប្រទេស​ទាំង ​២ ​បាន​ពិភាក្សា​ក្នុង​ការ​បង្កើន​ការ​ធ្វើ​ដំណើរ​តាម​ជើង​ហោះហើរ​ឱ្យ​បាន​កាន់​តែ​ច្រើន​ និង​ទូលាយ​ថែម​ទៀត ជាមួយ​គ្នា​នេះ​ដែរ ក្រៅ​ពី​បើក​ព្រំដែន​តាម​ផ្លូវ​ឡាន​ក្រុង ភាគី​ទាំង ​២ ​ក៏​សិក្សា​អំពី​វិធានការ​នានា​ក្នុង​ការ​បើក​ឱ្យ​ឆ្លង​កាត់​ដោយ​យានយន្ត​ឯកជន ហើយ​ឆ្លង​តាម​រថភ្លើង ក៏​ដូច​ជា​ស្រឡាង​ផង​ដែរ៕

ហ៊ីម រដ្ឋា

អត្ថបទគួរចាប់អារម្មណ៍