អ្នកនាំពាក្យរដ្ឋាភិបាលយោធាដែលកំពុងគ្រប់គ្រងអំណាចបានថ្លែងប្រាប់សារព័ត៌មាន AFP ថា តុលាការមីយ៉ាន់ម៉ាមួយនៅថ្ងៃទី ៦ ធ្នូនេះ បានកាត់ទោសលោកស្រី អ៊ុងសាន ស៊ូជី ឱ្យជាប់ពន្ធនាគារ ៤ ឆ្នាំ ជុំវិញការញុះញង់ឱ្យប្រឆាំងយោធា និងបំពានគោលការណ៍ទប់ស្កាត់ការឆ្លងជំងឺកូវីដ។
អ្នកនាំពាក្យរដ្ឋាភិបាលយោធាលោក Zaw Min Tun បាននិយាយថា លោកស្រីស៊ូជី ត្រូវកាត់ទោសឱ្យជាប់ពន្ធនាគារ២ឆ្នាំនៅក្រោមមាត្រា ៥០៥ (ខ) និងជាប់ពន្ធនាគារ២ឆ្នាំទៀតនៅក្រោមច្បាប់មហន្តរាយធម្មជាតិ។
លោកបាននិយាយថា អតីតប្រធានាធិបតី លោក Win Myint ក៏ត្រូវកាត់ទោសឱ្យជាប់ពន្ធនាគាររយៈពេល៤ឆ្នាំ ក្រោមបទចោទប្រកាន់ដូចគ្នា ដោយបានបន្ថែមថា ពួកគេនឹងទាន់ត្រូវបានបញ្ជូនទៅពន្ធនាគារទេ។
លោកបានបន្ថែមថា៖ «ពួកគេនឹងប្រឈមការចោទប្រកាន់ផ្សេងៗទៀតមកពីកន្លែងនានា ជាទីដែលពួកគេកំពុងស្នាក់នៅនាពេលបច្ចុប្បន្ននៅក្នុងរដ្ឋធានីណៃពិដោ ដោយមិនបានផ្តល់ព័ត៌មានលម្អិតបន្ថែមទៀតឡើយ»។
លោកស្រី អ៊ុងសាន ស៊ូជី ត្រូវបានចាប់ឃុំខ្លួន ចាប់តាំងពីក្រុមឧត្តមសេនីយ៍ បានបណ្តេញរដ្ឋាភិបាលរបស់លោកស្រីកាលថ្ងៃទី ១ ខែកុម្ភៈ ដោយបានបញ្ចប់ការគ្រប់គ្រងតាមបែបលទ្ធិប្រជាធិបតេយ្យរយៈពេលខ្លីនៅប្រទេសមីយ៉ាន់ម៉ា៕