រដ្ឋាភិបាលអាល្លឺម៉ង់ថ្មី ចង់ធ្វើឱ្យការចាក់វ៉ាក់សាំងជាកាតព្វកិច្ចចាប់ពីថ្ងៃទី ១៦ ខែមីនា សម្រាប់មនុស្ស ដែលធ្វើការនៅក្នុងមន្ទីរពេទ្យ មណ្ឌលថែទាំ និងការអនុវត្តផ្នែកវេជ្ជសាស្រ្តផ្សេងទៀត។ នេះបើយោងតាមច្បាប់ចម្លងនៃសេចក្តីព្រាងច្បាប់ ដែលសារព័ត៌មាន Reuters ទទួលបាន កាលពីថ្ងៃអាទិត្យ។
ប្រទេសអាល្លឺម៉ង់មានការស្ទាក់ស្ទើរក្នុងការដាក់វិធានការវ៉ាក់សាំងជាកំហិត ដោយសារការភ័យខ្លាចនៃកង្វះខាតបុគ្គលិកពេទ្យ និងគិលានុបដ្ឋាយិកាកាន់តែខ្លាំង ប៉ុន្តែការគាំទ្របានកើនឡើងសម្រាប់គំនិតនេះ ខណៈដែលប្រទេសនេះបានប្រឈមមុខនឹងការឆ្លងកើនឡើងនៅក្នុងរលកទី៤នៃជំងឺរាតត្បាត។
គណបក្សប្រជាធិបតេយ្យសង្គមបៃតង (Greens) និង អ្នកប្រជាធិបតេយ្យសេរី (Free Democrats) ដែលគ្រោងបង្កើតរដ្ឋាភិបាលថ្មីរបស់អាល្លឺម៉ង់នៅថ្ងៃពុធ គ្រោងនឹងបង្ហាញ ច្បាប់នេះ ទៅកាន់សភាក្នុងសប្តាហ៍ខាងមុខនេះ។
សេចក្តីព្រាង ដែលសារព័ត៌មានរ៉យទ័រទទួលបាន បញ្ជាក់ថា បុគ្គលិកដែលធ្វើការនៅក្នុងតំបន់ទាំងនេះ នឹងត្រូវបញ្ជាក់ថា ពួកគេត្រូវបានចាក់ថ្នាំបង្ការ ឬជាសះស្បើយពីកូវីដ ឬបង្ហាញវិញ្ញាបនបត្រវេជ្ជសាស្ត្រ ដើម្បីបង្ហាញថា ពួកគេមិនអាចចាក់វ៉ាក់សាំងបានទេ។
ច្បាប់ដែលបានស្នើឡើង នឹងបន្តរហូតដល់ថ្ងៃទី១៥ ខែកុម្ភៈ វិធានការបណ្តោះអាសន្នដែលនឹងអនុញ្ញាតឱ្យរដ្ឋសហព័ន្ធរបស់អាល្លឺម៉ង់ដាក់ចេញនូវវិធានបិទខ្ទប់កាន់តែធ្ងន់ធ្ងរ ប្រសិនបើចាំបាច់៕