The Phnom Penh Post Search

Search form

Logo of Phnom Penh Post newspaper Phnom Penh Post - អាមេរិក​ប្រកាស​ធ្វើ​ពហិការ​ការ​ទូត​កីឡា​អូឡាំពិក​ក្រុង​ប៉េកាំង​




អាមេរិក​ប្រកាស​ធ្វើ​ពហិការ​ការ​ទូត​កីឡា​អូឡាំពិក​ក្រុង​ប៉េកាំង​

Content image - Phnom Penh Post
លោកប្រធានាធិបតីចូ បៃដិន ជួបប្រជុំជាមួយលោកប្រធានាធិបតីស៊ី ជីនភីងកាលពីខែមុន។ AFP

អាមេរិក​ប្រកាស​ធ្វើ​ពហិការ​ការ​ទូត​កីឡា​អូឡាំពិក​ក្រុង​ប៉េកាំង​

កាល​ពី​ថ្ងៃ​ចន្ទ សេតវិមានបាន​ប្រកាស​ថា ​មន្ត្រី​រដ្ឋាភិបាល​អាមេរិក​នឹង​ធ្វើ​ពហិការក្នុង​ការ​ចូល​រួម​កីឡា​អូឡាំពិក​រដូវ​រងា​ឆ្នាំ ២០២២ នៅ​ក្រុង​ប៉េកាំង​ ដោយ​សារ​ «អំពើ​ឃោរឃៅ» រំលោភ​សិទ្ធ​មនុស្ស​របស់​ប្រទេស​ចិន​។

ពហិការ​ការ​ទូត​នេះ​ គឺ​បាន​ជំរុញ​ជា​ច្រើន​ខែ​មក​ហើយ​ ដោយ​សមាជិក​សភា​អាមេរិក​មួយ​ចំនួន​ និង​ក្រុម​គាំទ្រ​សិទ្ធិមនុស្ស​។ កីឡាករ​អាមេរិក​នៅ​តែ​អាច​ធ្វើ​ដំណើរ​ទៅ​ក្រុង​ប៉េកាំង​ដើម្បី​ចូល​រួម​ការ​ប្រកួត​ប្រជែង​។​

សេតវិមាន​បាន​ធ្វើ​ពហិការ​បែប​នេះ​ដោយ​ផ្អែក​ទៅ​លើ​អ្វី​ដែល​គេ​និយាយ​ថា ​ជា «អំពើ​ឃោរឃៅ​» របស់​ចិន​ក្នុង​ការ​ប្រព្រឹត្ត «ការ​ប្រល័យ​ពូជ​សាសន៍​» ជនជាតិ​ភាគតិច​អ៊ុយហ្គ័រ​នៅ​តំបន់​ស៊ីនជាំង​ភាគ​ខាង​លិច​នៃ​ប្រទេស​ចិន​។

ការ​ប្រកាស​កាល​ពី​ថ្ងៃ​ចន្ទ ​​ប្រាកដ​ជា​នឹង​ធ្វើ​ឱ្យ​ទំនាក់​ទំនង​កាន់​តែ​តានតឹង​ ហើយ​ធ្លាក់​ដល់​ចំណុច​ទាប​បំផុត​របស់​ពួកគេ​ក្នុង​រយៈ​ពេល​ជា​ច្រើន​ទសវត្សរ៍​។

មុន​ការ​ប្រកាស​ ប្រទេស​ចិន​ បាន​ព្រមាន​ចាត់​វិធានការ​ឆ្លើយ​តប​ប្រឆាំង​ នឹង​ទង្វើ​បែប​នេះ។​ ស្ថានទូត​ចិន​ប្រចាំ​ក្រុង​វ៉ាស៊ីនតោន ​បាន​និយាយ​ថា ​ពហិការ​នេះ​គឺ​ជា​ «ឧបាយកល​នយោបាយ» ដោយ​សារ​គ្មាន​ការ​អញ្ជើញ​អ្នក​នយោបាយ​អាមេរិក​ណាមួយ​ទេ​។

រដ្ឋមន្ត្រី​ក្រសួង​ការបរទេស​អាមេរិក​លោក​ អានតូនី​ ប្ល៊ីនកែន​ ​បាន​និយាយ​ថា សហរដ្ឋ​អាមេរិក​បាន​ពិគ្រោះ​ជា​មួយ​សម្ព័ន្ធមិត្ត​លើ «វិធីសាស្ត្រ​រួម​» ចំពោះ​ការ​ប្រកួត​កីឡា​អូឡាំពិក​ប៉េកាំង​។ ប៉ុន្តែ​គេ​នៅ​មិន​ច្បាស់​ទេ​ថា​តើ​ពួកគេ​នឹង​ធ្វើ​តាម​ការ​ដឹកនាំ​របស់​សហរដ្ឋអាមេរិក​។

យ៉ាង​ណា​មិញ ការ​ប្រកាស​ពហិការ​នេះ​កើត​ឡើង​ខណៈ​ពេល​ដែល​មាន​កិច្ច​ខិតខំ​ប្រឹងប្រែង​ ដើម្បី​រក្សា​ស្ថិរភាព​ក្នុង​ទំនាក់​ទំនង​រវាង​ប្រទេស​ទាំង២ ​ក៏​ដោយ ដែល​រួម​មាន​ការ​ធ្វើ​វីដេអូ​ខល​រវាង​លោក ​ចូ បៃដិន និង ​ស៊ី ជីនភី​ង ​កាល​ពី​ខែ​មុន​៕

សុខ វេងឈាង

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។