ការចរចាដើម្បីស្ដារកិច្ចព្រមព្រៀងនុយក្លេអ៊ែរនឹងចាប់ផ្ដើមឡើងវិញនៅថ្ងៃព្រហស្បតិ៍ ទី ៩ ធ្នូ នេះបើតាមរដ្ឋមន្ត្រីក្រសួងការបរទេសបារាំង ប៉ុន្តែលោកបានបន្ថែមទៀតថាលោកមានព្រួយបារម្ភថាអ៊ីរ៉ង់គឺកំពុងពន្យារពេល។
លោករដ្ឋមន្ត្រីហ្សង់-អ៊ីវស៍ ឡឺឌ្រីអង់បានប្រាប់សភាបារាំងថា៖ «យើងមានអារម្មណ៍ថា អ៊ីរ៉ង់ចង់ធ្វើឱ្យយូរ ហើយប្រសិនការចរចាកាន់តែយូរ ពួកគេកាន់តែដើរថយក្រោយការប្ដេជ្ញារបស់ពួកគេ និងកាន់តែខិតជិតទៅសមត្ថភាពអាវុធនុយក្លេអ៊ែរ»។
ខណៈពេលដែលលោកឡឺឌ្រីអង់ និងអ៊ីរ៉ង់បាននិយាយថាការចរចានឹងចាប់ផ្ដើមវិញនៅថ្ងៃព្រហស្បតិ៍ មន្ត្រីក្រសួងការបរទេសអាមេរិកបាននិយាយថា ក្រុងវ៉ាស៊ីនតោននៅមិនទាន់កំណត់កាលបរិច្ឆេទជាក់ស្ដែងនៅឡើយទេ។
ការចរចាកាលពីសប្ដាហ៍មុនត្រូវបានបញ្ចប់ដោយភាគីអាមេរិក និងអឺរ៉ុបបង្ហាញភាពស្រងាកចិត្ត ចំពោះការទាមទារដ៏ទូលំទូលាយរបស់រដ្ឋាភិបាលអភិរក្សនិយមថ្មីរបស់អ៊ីរ៉ង់ ដោយមានការរិះគន់ថាអ៊ីរ៉ង់បានដើរថយក្រោយទៅលើវឌ្ឍនភាពនៃការចរចាមុនៗ៕