.jpg)
លោក បូរីស ចនសុន ធ្វើសន្និសីទកាសែតអំពីបច្ចុប្បន្នភាពជំងឺកូវីដ ១៩។ AFP
នាយករដ្ឋមន្ត្រីអង់គ្លេសលោក Boris Johnson បានដាក់ផែនការថ្មី កាន់តែតឹងរ៉ឹងជាងមុនទៀតសម្រាប់ប្រទេសអង់គ្លេស ដោយបញ្ជាឱ្យមនុស្សធ្វើការពីផ្ទះពាក់ម៉ាស់នៅកន្លែងសាធារណៈនិងចែកចាយវ៉ាក់សាំងឱ្យបានគ្រប់ទិសទី ដើម្បីបន្ថយការរីករាលដាលវ៉ារ្យ៉ង់អូមីក្រុង។
លោក Johnson បាននិយាយកាលពីថ្ងៃពុធថា វ៉ារ្យ៉ង់អូមីក្រុងកំពុងរីករាលដាលយ៉ាងឆាប់រហ័ស ហើយគាត់មិនមានជម្រើសអ្វីក្រៅពីបោះជំហានផែនការ B និងជំរុញកម្មវិធីវ៉ាក់សាំងក្នុងពេលតែមួយនោះទេ។
លោកបាននិយាយនៅក្នុងសន្និសីទសារព័ត៌មានមួយថា៖ «លទ្ធផលគឺកាន់តែច្បាស់ហើយថា វ៉ារ្យ៉ង់អូមីក្រុនកំពុងរីករាលដាលលឿនជាងវ៉ារ្យ៉ង់ដែលតាមុនៗ ហើយកំពុងរីករាលដាលយ៉ាងឆាប់រហ័សនៅជុំវិញពិភពលោក។ អ្វីដែលគួរឱ្យព្រួយបារម្ភបំផុតនោះមានភ័ស្តុតាងដែលថា វាអាចនឹងកើនឡើងទ្វេដងក្នុងចន្លោះតែ ២ ឬ ៣ ថ្ងៃ»។
គាត់បានបន្ថែមថា ខណៈពេលដែលគេមិនទាន់មានទិន្នន័យទូលំទូលាយអំពីថាតើអូមីក្រុងមានគ្រោះថ្នាក់យ៉ាងណានោះ ការកើនឡើងអត្រាចូលមន្ទីរពេទ្យនៅអ្រាហ្វិកខាងត្បូងដែលជាកន្លែងគេរកឃើញវ៉ារ្យ៉ង់ដំបូងអាចបង្ហាញអំពីភាពគ្រោះថ្នាក់របស់វា។
អ្នកវិទ្យាសាស្ត្រនៅទីភ្នាក់ងារសន្តិសុខសុខភាពរបស់ចក្រភពអង់គ្លេសបាននិយាយថា៖ «ពួកគេរំពឹងថាវ៉ារ្យ៉ង់អូមីក្រុង អាចនឹងក្លាយជាប្រភេទវ៉ារ្យ៉ង់ដ៏លេចធ្លោនៅក្នុងចក្រភពអង់គ្លេសក្នុងរយៈពេលពីរទៅ ៤ សប្តាហ៍ខាងមុខ។ ទីភ្នាក់ងារនេះបាននិយាយថា រហូតមកដល់ពេលនេះករណីភាគច្រើនមានទីតាំងនៅទីក្រុងឡុងដ៍ និងភាគអាគ្នេយ៍នៃប្រទេសអង់គ្លេស។
ការរឹតបន្តឹងកាន់តែតឹងតែងនឹងអាចពន្យាពេលឱ្យរដ្ឋាភិបាលដើម្បីដាក់កម្លាំងជំរុញ និងផែនការដើម្បីទប់ស្កាត់ថែម។ ក្រុមមន្ត្រីបានកំណត់គោលដៅនៃការចាក់ដូសជំនួយដល់មនុស្សពេញវ័យទាំងអស់នៅចុងខែមករា ផងដែរ។
ដោយសារដំណាក់កាលនៃការបិទខ្ទប់ប្រទេសទាំងមូលហាក់ស្ថិតនៅវែងឆ្ងាយ វិធានការថ្មី ដែលទើបនឹងបានដាក់ចេញត្រូវបានគេចាត់ទុកថា មានការផ្ដល់ផលប៉ះពាល់អាក្រក់ ដល់អាជីវកម្មភោជនីយដ្ឋាន ហាងកាហ្វេ និងហាងនៅកណ្តាលទីក្រុងដែលអស់សង្ឃឹមថា នឹងកសាងហិរញ្ញវត្ថុរបស់ពួកគេឡើងវិញក្នុងរដូវកាលបុណ្យណូអែលខាងមុខ។
អាជីវកម្មមួយចំនួន បានប្រតិកម្មទៅនឹងការរឹតបន្តឹងថ្មី ដែលបានប្រកាសនៅពេលបុណ្យណូអែលខិតជិតមកដល់។ លោក Jace Tyrrell នាយកប្រតិបត្តិនៃក្រុមហ៊ុន New West End មានប្រសាសន៍ថា៖ «ការបញ្ជាថ្មីឱ្យធ្វើការពីផ្ទះក្នុងរដូវកាលមមាញឹកបំផុតនេះ គឺជាការដាក់ក្បាលមួយញញួរចំពោះអ្នកជួល និងកន្លែងកម្សាន្តរបស់យើង"។
ខណៈពេលដែលអាជីវកម្មជាច្រើនបានសម្របខ្លួនបានល្អក្នុងការធ្វើការពីផ្ទះ វិស័យដូចជាផ្នែកបដិសណ្ឋារកិច្ច ការកម្សាន្តនិងការធ្វើដំណើរបានទទួលរងនូវការខាតបង់យ៉ាងច្រើន។ មិនដូចការចាក់សោពីមុនទេដែលអាជីវកម្មទាំងនោះទទួលបានជំនួយ។
ការស្ទង់មតិពីវេបសាយ Savanta ComRes ក៏បានស្នើផងដែរ ថាមនុស្សមួយចំនួនប្រហែលជាមិនសូវមានឆន្ទៈក្នុងការអនុវត្តតាមការរឹតបន្តឹងថ្មី បន្ទាប់ពីការបង្ហាញរបស់សកម្មភាពមន្ត្រីគណបក្ស Downing Street របស់លោក Johnson ដែលបានរំលោភច្បាប់រឹតបន្តឹងកាលពីលើកមុន។
នាយករដ្ឋមន្ត្រីក៏បាននិយាយផងដែរថា ការរឹតបន្តឹងជំងឺកូវីដ មិនអាចស្ថិតស្ថេរជារៀងរហូតទេ ហើយប្រទេសនេះ ប្រហែលជាត្រូវមាន "ការសន្ទនា" អំពីអ្វីដែលត្រូវធ្វើ។
យ៉ាងណាមិញ សមាជិកសភាជាច្រើននៅក្នុងគណបក្សផ្ទាល់របស់ Johnson ក៏ខឹងនឹងការរឹតបន្តឹងថ្មីផងដែរ ដោយខ្លាចឥទ្ធិពល បន្សល់ពីការបិទខ្ទប់នេះកាន់តែអាក្រក់ឡើង បន្ទាប់ពីសេដ្ឋកិច្ចក្នុងប្រទេសធ្លាក់ចុះជាប្រវត្តិសាស្ត្រដល់ទៅ ១០ភាគរយ កាលពីឆ្នាំមុនមកម្ល៉េះ។
ផែនការថ្មីនេះ បានដាក់ចេញក្រោយពេលប្រទេសនេះរកឃើញករណីអូមីក្រុងប្រមាណ ៥៦៨ ករណីដោយទិន្នន័យខ្លះ បង្ហាញថា ចំនួននេះមានការកើនឡើងទ្វេដងក្នុងចន្លោះពី ២ ទៅ ៣ ថ្ងៃប៉ុណ្ណោះ។
លេខាធិការសុខាភិបាលលោក Sajid Javid បាននិយាយថា ក្រុមមន្ត្រីបានប៉ាន់ប្រមាណថា ចំនួននៃការឆ្លងវ៉ារ្យ៉ង់អូមីក្រុងពិតជាខ្ពស់ជាងចំនួនករណីដែលបានបញ្ជាក់ប្រហែល ២០ ដង ពោលគឺករណីនេះអាចនឹងមានឆ្លងរហូតដល់ ១ ម៉ឺនករណីឯណោះ៕
