ចក្រភពអង់គ្លេសកាលពីថ្ងៃពុធបានរកឃើញករណីឆ្លងថ្មីចំនួន ៥១ ៣៤២ ករណី និងអ្នកស្លាប់ចំនួន ១៦១ នាក់ ខណៈដែលប្រទេសនេះកំពុងប្រឈមមុខនឹងការកើនឡើងនៃការឆ្លង និងរឿងអាស្រូវទាក់ទងនឹងកូវីដ ដែលធ្វើឱ្យរដ្ឋាភិបាលភ្ញាក់ផ្អើល។
នេះជាលើកទី ៤ ហើយក្នុងសប្តាហ៍មុនដែលករណីកូវីដ បានកើនឡើងដល់ ៥ ម៉ឺនករណី នៅចក្រភពអង់គ្លេស ដែលនៅក្នុងអ្វីដែលអ្នកជំនាញនិយាយថា ជាសញ្ញាគួរឱ្យព្រួយបារម្ភ។ ឥឡូវនេះ ចក្រភពអង់គ្លេស បានរាយការណ៍ករណីសរុបចំនួន ១០,៦ លានករណីហើយ ចាប់តាំងពីជំងឺរាតត្បាតបានចាប់ផ្តើម។
ករណីដ៏ច្រើននេះ ភាគច្រើនជាទម្រង់ដែលតា ទោះបីជាករណីអូមីក្រុង កំពុងរីករាលដាលក៏ដោយ។ ក្នុងចំណោមករណីទាំង ៥ ម៉ឺនជាងខាងលើ ករណីអូមីក្រុងថ្មីមានចំនួន ១៣១ ករណី នៅក្នុងចក្រភពអង់ គ្លេស ដែលក្នុងនោះ ១១៥ ករណីជាករណីនៅក្នុងប្រទេសអង់គ្លេសផ្ទាល់។
កាលពីដើមសប្តាហ៍នេះ រដ្ឋមន្ត្រីសុខាភិបាល Sajid Javid បានបញ្ជាក់ថា មានការឆ្លងសហគមន៍នៃវ៉ារ្យ៉ង់ថ្មីនៅក្នុងប្រទេសអង់គ្លេស ដោយបញ្ជាក់ថា មិនមែនគ្រប់ករណីទាំងអស់សុទ្ធតែជាប់ទាក់ទងនឹងការធ្វើដំណើរនោះទេ៕