នាយករដ្ឋមន្ត្រីអង់គ្លេសលោក Boris Johnson បានប្រកាសពីការខិតខំប្រឹងប្រែងថ្មីមួយ ដើម្បីចែកចាយដូសជំនួយឱ្យបានមុនថ្ងៃចូលឆ្នាំសកលដោយថា ប្រទេសនេះកំពុងប្រឈមនឹងរលកអូមីក្រុង។ នេះបើតាមសារព័ត៌មាន The Associated Press។
លោក Johnson បាននិយាយកាលពីថ្ងៃអាទិត្យថា រដ្ឋាភិបាលនឹងព្យាយាមផ្តល់ដូសជំនួយដល់ប្រជាជន ដែលមានអាយុចាប់ពី ១៨ ឆ្នាំឡើងទៅនៅចុងខែនេះ។ ការកំណត់ពេលវេលានេះគឺ ដើម្បីឱ្យចក្រភពអង់គ្លេសមានវ៉ាក់សាំងប្រើប្រាស់ច្រើនជាងមុនរហូតដល់ ៣ដងនៅចុងខែមករា។
កិច្ចខិតខំប្រឹងប្រែងក្នុងការចែកចាយដូសជំនួយគឺជា «បេសកកម្មជាតិ»ផ្តល់ដល់មជ្ឈមណ្ឌលចាក់វ៉ាក់សាំង និងគ្លីនិកប្រចាំថ្ងៃ។ លោក Johnson លើកឡើងថា រូបលោករំពឹងថាមនុស្សពេញវ័យដែលចាក់ដូសចុងក្រោយយ៉ាងហោចណាស់ ៣ ខែមុន អាចធ្វើការកក់ ឬ ណាត់ជួបសម្រាប់ដូសជំនួយចាប់ផ្តើមពីថ្ងៃចន្ទ ទៅ។
ដើម្បីសម្រេចបាននូវគោលដៅរបស់ប្រទេសនេះ លោក Johnson រើសថ្ងៃចាក់វ៉ាក់សាំងដ៏ល្អបំផុត ដែលសេវាសុខភាពជាតិកត់ត្រាដើម្បីធ្វើយ៉ាងណាចែកចាយបានទាន់ពេលកំណត់៕