.jpg)
នាយកមជ្ឈមណ្ឌលគ្រប់គ្រង និងបង្ការជំងឺ លោក Rochelle Walensky បាននិយាយកាលពីថ្ងៃអង្គារថា ទិន្នន័យដំបូងបង្ហាញថាវ៉ារ្យ៉ង់អូមីក្រុងប្រហែលជាមិនសូវធ្ងន់ធ្ងរទេ ប៉ុន្តែបានព្រមានថាវានៅតែអាចចម្លងមនុស្សជាច្រើន។
លោក Walensky បានប្រាប់សារព័ត៌មាន The Insiderថា៖ «យើងកំពុងចាប់ផ្តើមឃើញទិន្នន័យដំបូងមួយចំនួន ដែលបង្ហាញពីការថយចុះនៃភាពធ្ងន់ធ្ងរមួយចំនួន។ រយៈពេលស្នាក់នៅមន្ទីពេទ្យក៏ខ្លីជាង... មនុស្សត្រូវការអុកស៊ីហ្ស៊ែនក៏តិចជាងមុនមនុស្សត្រូវសម្រាកក្នុងបន្ទប់សង្គ្រោះបន្ទាន់ក៏តិចជាងមុន»។
លោក Walensky បានប្រាប់ AP ថាករណីអូមីក្រុងដែលត្រូវបានរាយការណ៍នៅក្នុងសហរដ្ឋអាមេរិកមានលក្ខណៈស្រាល ដោយមានរោគសញ្ញាដូចជាក្អក កកស្ទះ និងអស់កម្លាំង។ នៅចក្រភពអង់គ្លេស ជាកន្លែង ដែលវ៉ារ្យ៉ង់កាន់តែរីករាលដាល យ៉ាងហោចណាស់មនុស្សម្នាក់ បានស្លាប់ដោយសារអូមីក្រុងហើយអ្នកផ្សេងទៀត ត្រូវបានបញ្ជូនទៅមន្ទីរពេទ្យ។
លោក Walensky បានពន្យល់ថា វ៉ារ៉្យង់នេះកាន់តែរីករាលដាល ហានិភ័យនៃករណីធ្ងន់នៅតែអាចកើតឡើង ដោយសារចំនួនអ្នកឈឺកាន់តែច្រើន នឹងដាក់បន្ទុកលើប្រព័ន្ធថែទាំសុខភាពកាន់តែច្រើន ហើយអត្រាឆ្លងសរុបកើនឡើងដូចគ្នា៕
