រដ្ឋមន្ត្រីសុខាភិបាលអង់គ្លេស បានបដិសេធចំពោះការរឹតបន្តឹងបន្ថែមទៀតសម្រាប់ប្រទេសអង់គ្លេស ដែលបណ្ដាលមកពីការរីករាលដាលអូមីក្រុងទូទាំងប្រទេស។ នេះបើតាមការឱ្យដឹងពីសារព័ត៌មាន BBC។
ករណីអូមីក្រុងចំនួន ១២ ១៣៣ ករណីនេះ បានរកឃើញនៅក្នុងចក្រភពអង់គ្លេស បើទោះបីជា ចំនួនពិតទំនងជាខ្ពស់ជាងនេះឆ្ងាយក៏ដោយ។
នៅពេលសួរអំពីវិធានការថ្មីដែលអាចធ្វើទៅបានដើម្បីពន្យឺតការរីករាលដាលអូមីក្រុង លោក SajidJavidរដ្ឋមន្ត្រីសុខាភិបាលអង់គ្លេស បាននិយាយថា៖ «យើងនឹងមិនមានការធានាណាមួយ ដើម្បីដាក់បន្ថែមសម្រាប់ការរីករាលដាលនៃជំងឺរាតត្បាតនេះទេ»។
រដ្ឋាភិបាល និងមេដឹកនាំដែលបានបំផុសគំនិតកំពុងពិភាក្សាអំពីស្ថានភាពនៅក្នុងកិច្ចប្រជុំCobra។នៅពេលដែលមានការលើកឡើងថា ឱ្យគាត់ដាក់ចេញនូវវិធានបំបែកសៀគ្វី និងការបិទខ្ទប់រយៈពេលខ្លី និងតឹងរឹតបំផុត ឬការរឹតបន្តឹងថ្មីមុនថ្ងៃបុណ្យណូអែលលោក Javidបានប្រាប់សារព័ត៌មានBBC ថា «យើងនឹងមិនមានវិធានការទាំងនេះទេ ប៉ុន្តែយើងក៏មិនធានាថានឹងមិនមានការរីករាលដាលជាងនេះដែរ។ នៅពេលនេះយើងគ្រាន់តែត្រូវរក្សាអ្វីៗទាំងអស់ឱ្យស្ថិតក្រោមការគ្រប់គ្រងប៉ុណ្ណោះ»។
យ៉ាងណាមិញ ករណីកូវីដប្រចាំថ្ងៃ ៨២ ៨៦៦ករណី ត្រូវបានគេរាយការណ៍បន្ថែមទៀតនៅទូទាំងចក្រភពអង់គ្លេសកាលពីថ្ងៃអាទិត្យបន្ទាប់ពីមានកំណត់ត្រាខ្ពស់ជាច្រើនថ្ងៃកាលពីសប្តាហ៍មុន។
ទោះជាយ៉ាងណា អង់គ្លេសក៏មានចេញនូវច្បាប់ Plan B សម្រាប់ការពារកុំឱ្យមានការរីករាលដាលដោយរួមមាន ការពាក់ម៉ាស់នៅកន្លែងជាច្រើនទៀត និងមនុស្សដែលត្រូវបានជំរុញឱ្យធ្វើការពីផ្ទះ ប្រសិនបើពួកគេអាចធ្វើបាន៕