កាលពីយប់ថ្ងៃសៅរ៍ ទី ១ មករា កងកម្លាំងការពារអ៊ីស្រាអែល (IDF) បានធ្វើការវាយប្រហារតាមអាកាសទៅលើតំបន់ហ្គាហ្សា បន្ទាប់ពីកាលពីព្រឹកនោះ រ៉ុក្កែតចំនួន ២ គ្រាប់ហោះចេញពីតំបន់ហ្គាហ្សា ហើយធ្លាក់នៅឆ្នេរសមុទ្រក្រុងតែលអាវីវ។
«យន្តហោះចម្បាំង និងឧទ្ធម្ភាគចក្រ បានវាយប្រហារគោលដៅជាបន្តបន្ទាប់នៅក្នុងរោងចក្រផលិតគ្រាប់រ៉ុកក្កែត ដែលជាកម្មសិទ្ធិរបស់ក្រុមភេរវកម្មហាម៉ាស់» IDF បាននិយាយបែបនេះ ក្នុងសេចក្ដីថ្លែងការណ៍មួយ ហើយបន្តទៀតថា៖ «ក្រុមហាម៉ាស់ទទួលខុសត្រូវ និងទទួលនូវផលវិបាកសម្រាប់សកម្មភាពទាំងអស់នៅក្នុង និងចេញពីតំបន់ហ្គាហ្សា»។
រថក្រោះអ៊ីស្រាអែលក៏បានបាញ់ផ្លោងលើប៉ុស្តិ៍យោធារបស់ក្រុមហាម៉ាស់នៅជិតព្រំដែនហ្គាហ្សា ជាមួយអ៊ីស្រាអែលផងដែរ។
កាលពីព្រឹកថ្ងៃសៅរ៍ រ៉ុក្កែតចំនួន ២ គ្រាប់ បានហោះចេញពីតំបន់ហ្គាហ្សាហើយធ្លាក់នៅឆ្នេរសមុទ្រទីក្រុងតែលអាវីវរបស់អ៊ីស្រាអែល។ ហាម៉ាស់បានជូនដំណឹងឱ្យអ៊ីស្រាអែល តាមរយៈអ្នកសម្របសម្រួលអេហ្ស៊ីបថា ខ្លួនមិនមែនពីក្រោយការវាយប្រហារនេះទេ៕
វីដេអូ៖