.jpg)
លោកវេជ្ជបណ្ឌិត Anthony Fauci។ AFP
សហរដ្ឋអាមេរិករកឃើញករណីឆ្លងថ្មីចំនួន ១,៥ លានករណីបំបែកកំណត់ត្រាករណីថ្មី កាលពីចុងសប្តាហ៍ ដោយសារការរីករាលដាលអូមីក្រុងខ្លាំងបំផុត។ នេះបើតាមឱ្យដឹងសារព័ត៌មាន CNBC កាលពីថ្ងៃអង្គារ។
ប្រជាជនអាមេរិកចំនួន ១៤៤,៤៤១ នាក់ កំពុងសម្រាកព្យាបាលនៅមន្ទីរពេទ្យ ដោយសារវ៉ារ៉្យង់អូមីក្រុង គិតត្រឹមថ្ងៃ អាទិត្យ នេះ។ នេះបើយោងតាមទិន្នន័យ ដែលតាមដានដោយនាយកដ្ឋានសុខភាព និងសេវាពលរដ្ឋ ហើយចំនួននេះ បានកើនដល់ ១៤៧០០០ករណី គិតត្រឹមថ្ងៃអង្គារ។
ទោះយ៉ាងណា ករណីដែលបានរាយការណ៍ក៏ទំនងជា មិនទាន់គ្រប់ជ្រុងជ្រោយនៅឡើយ ដោយសារ ប្រជាជនមួយចំនួនមិនទាន់មានឧបករណ៍ធ្វើតេស្តនៅផ្ទះនៅឡើយ ខណៈទិន្នន័យទាំងនេះ ត្រូវបានរាយការណ៍ទៅឱ្យទីភ្នាក់ងាររដ្ឋ ឬសហព័ន្ធប៉ុណ្ណោះ។
ប្រធានទីប្រឹក្សាវេជ្ជសាស្ត្រសេតវិមាន លោកវេជ្ជបណ្ឌិត Anthony Fauci បាននិយាយកាលពីសប្តាហ៍ មុនថា ការកើនឡើងនេះគឺជាភ័ស្តុតាងបង្ហាញថា វ៉ារ្យ៉ង់អូមីក្រុង គឺមិនសូវធ្ងន់ធ្ងរជាងប្រភេទដែលតាទេ។ លោកបាននិយាយថា ទិន្នន័យបន្ថែមទៀតគឺត្រូវការជាចាំបាច់ ដើម្បីបញ្ជាក់ថា លោកបានព្រមានថាបរិមាណនៃការឆ្លង និងមនុស្ស ដែលសម្រាកព្យាបាលនៅមន្ទីរពេទ្យនៅតែអាចប៉ះពាល់ដល់ប្រព័ន្ធមន្ទីរពេទ្យ។
លោក Fauci បាននិយាយថា៖ «សមាមាត្រជាក់លាក់នៃករណីដ៏ច្រើន និងអាចបង្កឱ្យមានសភាព ធ្ងន់ធ្ងរ។ ដូច្នេះ កុំយកវាជាសញ្ញា ដែលយើងមិនអាចប្រហែសភ្លេចខ្លួនពីការពារខ្លួនពីមេរោគនេះឡើយ»៕
