The Phnom Penh Post Search

Search form




Logo of Phnom Penh Post newspaper Phnom Penh Post - ក្រុមតាលីបង់ទាមទារទ្រព្យ​សម្បត្តិ​តម្លៃ​ ១០ ពាន់លានដុ​ល្លារ​បង្កក​ដោយ​អា​មេរិក អឺរ៉ុប​​មក​​​វិញ​

ក្រុមតាលីបង់ទាមទារទ្រព្យ​សម្បត្តិ​តម្លៃ​ ១០ ពាន់លានដុ​ល្លារ​បង្កក​ដោយ​អា​មេរិក អឺរ៉ុប​​មក​​​វិញ​

Content image - Phnom Penh Post
យុទ្ធជនតាលីបង់ចុះតាមផ្លូវមួយក្នុងទីក្រុងកាប៊ុល។ AFP

ក្រុមតាលីបង់ទាមទារទ្រព្យ​សម្បត្តិ​តម្លៃ​ ១០ ពាន់លានដុ​ល្លារ​បង្កក​ដោយ​អា​មេរិក អឺរ៉ុប​​មក​​​វិញ​

ក្រុមតាលីបង់ បានចាប់ផ្តើមកិច្ចប្រជុំលើកដំបូ​ង​រប​ស់​​ពួក​គេ​ជា​មួ​យ​ម​ន្ត្រី​លោក​ខា​ងលិច ចាប់​តាំ​ង​ពី​បា​ន​ចូ​ល​កា​ន់​កាប់​ប្រទេសអាហ្វហ្គានីស្ថានកាលពីខែ​ សីហា ឆ្នាំមុន ដោយទាមទារឱ្យដោះលែងទ្រ​ព្យ​សម្បត្តិ​ចំនួន ១០​ ពាន់លានដុល្លារ ដែលត្រូវបានបង្កក ដោយសហរដ្ឋអាមេរិក និងបណ្តាប្រ​ទេសអឺរ៉ុប។

កិច្ច​ប្រជុំ ​ដែល​មាន​គោល​បំណង​ទ​ប់​​ស្កាត់​វិបត្តិ​មនុ​ស្សធម៌ ​ដែល​កំពុង​កើន​ឡើង​នៅ​ក្នុង​ប្រទេស​អាហ្វហ្គានី​ស្ថាន​ ​បា​ន​​ចាប់​ផ្តើម​កាល​​ពី​ថ្ងៃ ​អាទិត្យ ​នៅ​ពី​ក្រោយ​ការ​បិទ​ទ្វា​រ​​ក្នុង​សណ្ឋាគារ​ក្នុង​ទីក្រុង Oslo ប្រទេស​ន័រវែស។

ប្រតិភូតាលីបង់ Shafiullah Azamបានប្រាប់សារព័ត៌មាន Associated Press កាលពីយប់ថ្ងៃ អាទិត្យ ថា៖​ «​យើង​កំពុងស្នើសុំឱ្យពួកគេដោះលែងទ្រព្យសម្បត្តិអាហ្វហ្គា​​នីស្ថាន ហើយមិនដាក់ទណ្ឌកម្ម ប្រ​ជា​ជនអា​ហ្វហ្គានីស្ថានធម្មតា​ទេ ដោយសារតែបញ្ហា​ជជែក​​នយោបាយ»​។

លោក បានប​ន្ថែមថា​៖​ «​ដោយសារតែការអត់ឃ្លាន ដោយសារតែរដូវរងា​ដ៏សាហាវ ខ្ញុំគិតថាវាដល់ពេល​ហើយ​ សម្រាប់សហគមន៍អន្តរជាតិ​ ដើម្បីគាំទ្រជនជាតិអាហ្វហ្គានីស្ថាន មិនមែនដា​ក់ទ​ណ្ឌ​ក​ម្ម​ពួកគេ​ ដោយសា​រតែ​ជ​ម្លោះនយោបាយរបស់ខ្លួន​​នោះទេ»​។

លោក Azamដែលជាផ្នែកមួ​យ​នៃគណៈប្រតិភូបុរសទាំងអស់របស់តាលី​បង់ បាននិយាយថា កិច្ចប្រជុំ ៣​ ថ្ងៃ​ ជាមួយមន្ត្រីមកពី​សហរដ្ឋអាមេរិក បារាំង អង់គ្លេស អាល្លឺម៉ង់ អ៊ីតាលី សហភាពអឺរ៉ុប និងន័រវែស គឺជា ជំហាន​មួយ ដើម្បីធ្វើឱ្យមានភាពស្របច្បាប់របស់រដ្ឋាភិបាល​អាហ្វហ្គានីស្ថា​ន​​។

ក្រុម​នេះ បានកាន់កាប់រដ្ឋាភិបាលអាហ្វហ្គានីស្ថា​ន​ បន្ទាប់ពីបានឈាន​ជើង​​ចូលទៅក្នុងរដ្ឋធានីកា​ប៊ុ​ល ​កាល​ពីថ្ងៃទី ១៥ ខែសីហា ខណៈដែលរដ្ឋបាល​លោក Biden បានព្យាយាម ជម្លៀសពលរដ្ឋអាមេរិក និងសម្ព័ន្ធមិត្តអាហ្វហ្គានីស្ថាន​របស់ពួកគេ។

នៅ​កម្រិត​នៃ​ភាព​តានតឹង​នេះ ប្រជាជន​អាហ្វហ្គានីស្ថាន​រាប់​ពាន់​នាក់​បាន​សម្រុក​ទៅ​អាកាសយានដ្ឋាន​អន្តរជាតិ Hamid Karzai ដើម្បី​គេច​ពី​ចៅហ្វាយនាយ​ថ្មី​ដ៏​ឃោរឃៅ​របស់​ពួកគេ។ ភាពចលាចល បាន​ប្រែ​ទៅជា​កា​រ​បង្ហូរឈាម​វិញ​ នៅពេលដែលភេរវករ ISIS-K បានបំផ្ទុះគ្រាប់បែកអត្តឃាតនៅខាងក្រៅច្រកទ្វារ Abbey នៃអាកាសយានដ្ឋានកាលពីថ្ងៃទី ២៦ ខែសីហា ដោយបានសម្លាប់សមាជិក​សេវាកម្មអាមេរិក ១៣ នាក់ និងជនជាតិអាហ្វហ្គានីស្ថានជាង ១៨០ នាក់៕

អត្ថបទគួរចាប់អារម្មណ៍