.jpg)
បើតាមការឱ្យដឹងពីទិន្នន័យបានបង្ហាញនៅថ្ងៃពុធ ករណីឆ្លងមេរោគថ្មីប្រចាំថ្ងៃរបស់កូរ៉េខាងត្បូងកើនលើសពី ១៣ ពាន់ករណីជាលើកដំបូង ខណៈដែលរដ្ឋាភិបាលបានស្វែងរកការពិនិត្យឡើងវិញនូវការឆ្លើយតបកូវីដរបស់ខ្លួន ដើម្បីផ្តោតលើទប់ស្កាត់វ៉ារ្យ៉ង់អូមីក្រុង។
កំណត់ត្រាករណីឆ្លងប្រចាំថ្ងៃចំនួន ១៣ ០១២ ករណីកើតឡើង ១ ថ្ងៃ បន្ទាប់ពីប្រទេសនេះបានរកឃើញករណីឆ្លងសរុប ៨ ពាន់ករណីជាលើកដំបូងក្រោយមានការរីករាលដាលយ៉ាងឆាប់រហ័សនៃវ៉ារ្យ៉ង់អូមីក្រុង បើទោះបីជាមានការពន្យារពេលនៃច្បាប់រក្សាគម្លាតសង្គមដ៏តឹងរ៊ឹងក៏ដោយ។
មន្ត្រីសុខាភិបាលបានព្រមានថាអូមីក្រុងឆ្លងខ្លាំង ប៉ុន្តែមិនសូវមានគ្រោះថ្នាក់ទេ ហើយវ៉ារ្យ៉ង់នេះបានក្លាយជាវ៉ារ្យ៉ង់លេចធ្លោនៅក្នុងប្រទេសកូរ៉េខាងត្បូង កាលពីសប្តាហ៍មុន ខណៈចំនួនឆ្លងប្រចាំថ្ងៃ អាចកើនឡើងលើសពីទ្វេដង ឬកើនឡើងដល់កម្រិតខ្ពស់ជាងនេះនៅក្នុងសប្តាហ៍ខាងមុខនេះ។
លោកនាយករដ្ឋមន្ត្រី Kim Boo-kyum បានប្រាប់កិច្ចប្រជុំអន្តរក្រសួងកាលពីថ្ងៃពុធថា៖ «យើងនឹងបោះជំហានទៅមុខជានិច្ច អាទិភាពកំពូលរបស់យើង គឺកាត់បន្ថយអ្នកជំងឺធ្ងន់ធ្ងរ និងការស្លាប់»។
រដ្ឋាភិបាលបានណែនាំគោលការណ៍ធ្វើតេស្តថ្មីនៅក្នុងទីក្រុងចំនួន ៤ ដែលបានកំណត់លើមូលដ្ឋានសាកល្បង ដែលមានតែក្រុមអាទិភាពប៉ុណ្ណោះដែលធ្វើតេស្តប្រតិកម្មខ្សែចង្វាក់ polymerase (PCR) ខណៈពេលដែលអ្នកផ្សេងទៀតអាចទទួលបានការធ្វើតេស្តអង់ទីហ្សែ៊នយ៉ាងឆាប់រហ័សនៅគ្លីនិកក្នុងស្រុកសម្រាប់ការធ្វើរោគវិនិច្ឆ័យដំបូងកាន់តែលឿន៕
