សហរដ្ឋអាមេរិក និងសម្ព័ន្ធមិត្តមួយចំនួន កំពុងពិភាក្សាការដាក់ពង្រាយទាហានរាប់ពាន់នាក់បន្ថែមទៀតទៅកាន់បណ្ដាសមាជិកអង្គការណាតូនៅអឺរ៉ុបខាងកើត ខណៈពេលដែលភាពតានតឹង កំពុងកើនឡើងយ៉ាងខ្លាំងជាមួយនឹងរុស្ស៊ី។ នេះបើតាមការរាយការណ៍របស់ CNN ផ្អែកលើប្រភពមន្ត្រីដែលដឹងពីការពិភាក្សា។
ក្នុងចំណោមប្រទេសដែលពិចារណាទទួលយកការដាក់ពង្រាយនោះមាន រូម៉ានី ប៊ុលហ្គារី និងហុងគ្រី។ ការដាក់ពង្រាយនឹងមានចំនួនទាហានប្រហែល ១ ០០០ នាក់ ទៅកាន់ប្រទេសនីមួយៗ ហើយនឹងស្រដៀងទៅនឹងកងវរសេនាតូចនិងធំ ដែលបច្ចុប្បន្នកំពុងឈរជើងនៅក្នុងឡាតវី លីទុយអានី អេស្តូនី និងប៉ូឡូញ។
ប្រទេសដែលកំពុងពិចារណាការដាក់ពង្រាយបន្ថែម គឺសហរដ្ឋអាមេរិក និងអង់គ្លេស ប៉ុន្តែមន្ត្រីអឺរ៉ុបលើកឡើងថានេះមិនជាឆន្ទៈរបស់សមាជិកទាំងអស់នៃអង្គការណាតូនោះទេ។
កាលពីថ្ងៃចន្ទក្រសួងការពារជាតិអាមេរិកបានប្រកាសថា ខ្លួនបញ្ជូនទាហានចំនួន ៨ ៥០០ ឱ្យត្រៀមខ្លួនចល័ត ប្រសិនបើអង្គការណាតូមានតម្រូវការសម្រាប់កងប្រតិកម្មរហ័ស។ បន្ថែមពីលើនេះទៅទៀតអង្គការណាតូមានទាហានរាប់ម៉ឺននាក់ដែលពួកគេអាចបញ្ជូនទៅអឺរ៉ុបខាងកើត៕
វីដេអូ៖