.jpg)
ប្រធានអង្គការសុខភាពពិភពលោក លោក Tedros Adhanom Ghebreyesus។ រូបថត AFP
ប្រធានអង្គការសុខភាពពិភពលោកប្រចាំទ្វីបអឺរ៉ុប បានសម្តែងក្តីសង្ឃឹមកាលពីចុងសប្តាហ៍មុនថា តំបន់នេះអាចឈានទៅដល់ទីបញ្ចប់នៃជំងឺរាតត្បាតក្នុងពេលឆាប់ៗ ប៉ុន្តែបានផ្លាស់ប្តូរគំនិតសុទិដ្ឋិនិយមនេះវិញភ្លាមៗ ដោយសារស្ថានភាពជំងឺ ស្ថិតក្នុងភាពមិនប្រាកដប្រជា។
អគ្គនាយក Tedros Adhanom Ghebreyesus បានបញ្ជាក់នៅក្នុងសុន្ទរកថារបស់លោក Hans Kluge នៅថ្ងៃបន្ទាប់ថា វាជារឿងគ្រោះថ្នាក់បំផុតក្នុងការសន្មតលឿនពេកក្នុងដំណាក់កាលនេះ ដោយធ្វើការសង្កត់ធ្ងន់ថា «ជំងឺរាតត្បាតមិនទាន់ចប់ទេ»។
សារដ៏ច្របូកច្របល់ពីស្ថាប័នដដែលនេះ ធ្វើឱ្យមានការអស់សង្ឃឹមជាខ្លាំងលើការជជែកដេញដោលគ្នា ស្ដីអំពីបញ្ហាកូវីដ ថាតើជំងឺនេះនឹងត្រូវបន្តដល់ពេលណា?
មានចំណុចផ្សេងៗគ្នា ដែលត្រូវបានគេកត់សម្គាល់អំពីការបន្តនៃជំងឺរាតត្បាត និងការបញ្ចប់នៃជំងឺរាតត្បាត។ សហគមន៍វិទ្យាសាស្ត្រទៀតសោត ក៏បានចាត់ទុកការគំរាមកំហែងជាបន្ត កើតឡើងរវាងការប្រែប្រួលវ៉ារ្យ៉ង់ និងការចាក់ថ្នាំបង្ការជាសកលជាភ័ស្តុតាងបង្ហាញថា មេរោគនេះ នៅមិនទាន់បានយកឈ្នះនៅឡើយ។
ម្យ៉ាងវិញទៀត ជារឿយៗអ្នកនយោបាយ ដែលតែងទទូចចង់ឱ្យពិភពលោក ចាត់ទុកជំងឺ ដែលរីករាលដាលពាសពេញពិភពលោកអស់រយៈពេល ២ ឆ្នាំ ឱ្យដូចនឹងជំងឺឆ្លងដទៃ គឺជាការយល់ខុស និងបង្កឱ្យមានការគំរាមកំហែងមួយ។
លោក Pedro Sanchez នាយករដ្ឋមន្ត្រីនៃប្រទេសអេស្ប៉ាញបាននិយាយថា៖ «យើងកំពុងឆ្ពោះទៅរកទីបញ្ចប់នៃជំងឺរាតត្បាត ជាជាងការរីករាលដាលនៃជំងឺរាតត្បាតថ្មី»។ ទន្ទឹមនឹងនេះដែរ អ្នកជំនាញសុខភាពមួយចំនួនតូចគិតថា ផ្លូវទៅរកទីបញ្ចប់នៃជំងឺអាចនឹងមានលក្ខណៈសាមញ្ញ។
លោក Tim Colbourn សាស្ត្រាចារ្យផ្នែករោគរាតត្បាតសុខភាពសកលនៅសាកលវិទ្យាល័យ College London បាននិយាយថា៖ «អ្នកនយោបាយជាច្រើន មិនដឹងថាអ្វីទៅជាជំងឺរាតត្បាតបើទោះបីជាមានករណី ដែលគេអាចសន្និដ្ឋានបានថា សេណារីយោដ៏អាក្រក់បំផុត បានបញ្ចប់ហើយក្ដី»។
គាត់បាននិយាយថា៖ «ភាពធ្ងន់ធ្ងរមិនងាយនឹងថយចុះទេ។ ជំងឺរាតត្បាតជាធម្មតា តែស្ថិតនៅក្នុងបន្ទាត់ដែលមានលំនឹង ដោយមិនលោតទៅកំពូលខ្ពស់ដូចភ្នំធំនោះឡើយ ហើយស្ថានភាពបច្ចុប្បន្នយើងនៅមិនទាន់ទៅដល់ចំណុចកំពូលនោះទេ។ យើងអាចយកទៅជជែកជាមួយអ្នកនយោបាយថា គំនិតនេះ គឺជាការបន់ឱ្យមានករណីអាក្រក់ក៏អាចថាបាន»។
លោក Marc Van Ranst សាស្ត្រាចារ្យផ្នែកមេរោគនៅសាកលវិទ្យាល័យ Leuven បានទទួលស្គាល់ថា មេរោគឆ្លង គឺជាពាក្យទូលំទូលាយ មិនត្រូវបានកំណត់ ហើយជារឿយៗមានការយល់ច្រឡំ ប៉ុន្តែការសន្និដ្ឋានពេលនេះ ហាក់ដូចជាលឿនពេក។
លោកបានឱ្យដឹងថា៖ «ដរាបណាអូមីក្រុងនៅតែបន្តរីករាលដាលក្នុងចំនួនដ៏សម្បើមនេះ បើទោះជាវាបង្កឱ្យមានភាពធូរស្រាលក៏ដោយ ក៏វានៅតែបន្តដាក់បន្ទុកដល់វិស័យថែទាំ សុខភាព។ យើងអាច ប៉ុន្តែមិនគួរហៅស្ថានភាពនេះថា ជាទីបញ្ចប់នៃជំងឺឆ្លងនោះទេ»។
ទោះបីជាបែបនេះក៏ដោយ ប្រទេសនានារួមទាំងដាណឺម៉ាក និងអង់គ្លេស បានផ្លាស់ប្តូរវិធានរឹតបន្តឹងកូវីដ ក្នុងកិច្ចខិតខំប្រឹងប្រែង ដើម្បីវិលទៅរកភាពធម្មតាវិញ ដោយសារកម្រិតនៃផលប៉ះពាល់ដល់វិស័យសុខាភិបាលមានកម្រិតទាបនៅឡើយ។
ប្រទេសដាណឺម៉ាក បានទម្លាក់ការរឹតបន្តឹង ទោះបីជាមានអត្រាឆ្លងកើនឡើងក៏ដោយ ដែលជំរុញដោយប្រភេទរងអូមីក្រុង BA. 2 ដែលអាជ្ញាធរសុខាភិបាលប៉ាន់ប្រមាណថា អាចឆ្លងបាន ៥០ ភាគរយខ្លាំងជាងវ៉ារ្យ៉ង់ដើមក៏ដោយ។ ការបញ្ចប់វិធានការក្នុងប្រទេសអង់គ្លេសក្នុងសប្តាហ៍មុន ធ្វើឡើងស្របពេលជាមួយនឹងការធ្លាក់ចុះករណីឆ្លងនៅឆ្នាំនេះ។
សូម្បីតែប្រទេសថៃ ដែលបន្តគោលនយោបាយហ្សេរ៉ូ-កូវីដ រហូតដល់រដូវក្តៅមុន បានបោះជំហានបណ្តោះអាសន្នមួយកាលពីថ្ងៃសុក្រ ឆ្ពោះទៅរកការព្យាបាលមេរោគនេះថា ជាទីបញ្ចប់នៃជំងឺរាតត្បាត ខណៈដែលមន្ត្រីសុខាភិបាល បានគូសបញ្ជាក់ពីគោលការណ៍ណែនាំអំពីរបៀបចាប់ផ្តើមព្យាបាលវាដូចជាមេរោគគ្រុនផ្តាសាយក្នុងរយៈពេល ៦ ខែទៅ ១ ឆ្នាំ។
អ្នកជំនាញក៏បានលើកឡើងដែរថា ដោយសារតែវាជាទីបញ្ចប់នៃជំងឺរាតត្បាតប៉ុន្តែវាមិនមែនមានន័យថា បណ្ដាលឱ្យស្លាប់នោះទេ តួយ៉ាងដូច ជំងឺរបេង គ្រុនចាញ់ និងមេរោគអេដស៍/ជំងឺអេដស៍សុទ្ធតែជាជំងឺឆ្លង ហើយបានសម្លាប់មនុស្សរាប់លាននាក់ជុំវិញពិភពលោក។ នៅចុងម្ខាងទៀតនៃមាត្រដ្ឋានជំងឺប្រចាំថ្ងៃដូចជា ជំងឺគ្រុនផ្តាសាយក៏ត្រូវបានចាត់ថ្នាក់ ថាជាជំងឺរាតត្បាតផងដែរ។
អង្គការសុខភាពពិភពលោក និងអង្គការផ្សេងទៀតបានព្រមានថា ការរីករាលដាលយ៉ាងឆាប់រហ័សក៏អាចពន្លឿនការលេចចេញនូវវ៉ារ្យ៉ង់ប្រែប្រួលថ្មីៗផងដែរ៕
