.jpg)
អាមេរិកបញ្ជូននាវា និងយន្តហោះចម្បាំង ដើម្បីជួយការពារសម្ព័ន្ធមិត្តអារ៉ាប់ ពីការវាយប្រហារដោយក្រុមឧទ្ទាមហ៊ូធី។ AFP
កាលពីថ្ងៃពុធ ទី២ កុម្ភៈស្ថានទូតសហរដ្ឋអាមេរិកប្រចាំអេមីរ៉ាតអារ៉ាប់រួម (UAE) បានប្រកាសថាសហរដ្ឋអាមេរិកនឹង បញ្ជូននាវា និងយន្តហោះចម្បាំងដើម្បីការពារសម្ព័ន្ធមិត្តនេះ ពីការវាយប្រហារមីស៊ីល និងដ្រូន បន្ទាប់ពីការវាយប្រហារដោយក្រុមឧទ្ទាមហ៊ូធីចេញពីប្រទេសយេម៉ែន បានសម្លាប់មនុស្ស៣នាក់។
UAE គឺជាមជ្ឈមណ្ឌលហិរញ្ញវត្ថុដ៏សំខាន់មួយ ហើយជាផ្នែកនៃសម្ព័ន្ធភាពយោធាដឹកនាំដោយអារ៉ាប៊ីសាអ៊ូឌីត ដែលកំពុងធ្វើការអន្តរាគមន៍ប្រឆាំងក្រុមហ៊ូធី ក្នុងសង្គ្រាមស៊ីវិលប្រទេសយេម៉ែន។ កាលពីថ្ងៃចន្ទបានរងការវាយប្រហារមីស៊ីល ជាលើកទី៣ ក្នុងសប្ដាហ៍ជាប់ៗគ្នា។
ជាផ្នែកនៃផែនការការពារថ្មី នាវាចម្បាំងអាមេរិក USS Cole នឹងធ្វើប្រតិបត្តិការជាមួយនឹងនាវាចម្បាំងនៃកងទ័ពជើងទឹករបស់ UAE ហើយនឹងធ្វើការចុះចតនៅកំពង់ផែក្រុងអាប៊ុយដាប៊ី។ នាវាUSS Cole បច្ចុប្បន្ន កំពុងចុះចតនៅកំពង់ផែប្រទេសបារ៉ែន។ សកម្មភាពដទៃទៀតរួមមានការដាក់ពង្រាយយន្តហោះចម្បាំងជំនាន់ទី៥ ការចែករំលែកព័ត៌មានចារកម្ម និងការបន្តសហប្រតិបត្តិការលើការការពារដែនអាកាស។
ស្ថានទូតអាមេរិក បាននិយាយថា ការដាក់ពង្រាយនេះ បានកើតឡើងបន្ទាប់ការសន្ទនាទូរស័ព្ទរវាងរដ្ឋមន្ត្រីក្រសួងការពារជាតិអាមេរិកលោកឡូយដ៍ អូស្ទីន និងរជ្ជទាយាទអាប៊ុយ ដាប៊ីព្រះអង្គម្ចាស់មហាម៉ាត់ ប៊ីន ខាលីហ្វា អាល់-ណាយ៉ាន៕
វីដេអូ៖
