ការកាត់ផ្ដាច់រំហូរឧស្ម័នធម្មជាតិទៅកាន់អឺរ៉ុប គឺជាវិធានការឆ្លើយតបខ្លាំងបំផុតដែលរុស្ស៊ីមានក្នុងដៃ ប្រសិនបើលោកខាងលិចធ្វើការបន្តឹងទណ្ឌកម្មជុំវិញវិបត្តិនៅប្រទេសអ៊ុយក្រែន។ ប៉ុន្តែចំណុចខ្សោយរបស់សហភាពអឺរ៉ុបចំពោះវិធានការឆ្លើយតបរបស់រុស្ស៊ី គឺមិនត្រឹមតែមានក្នុងវិស័យថាមពលទេ។
អ្នកវិភាគមួយចំនួនព្រួយបារម្ភថាសហភាពអឺរ៉ុប បានត្រៀមខ្លួនតិចជាងរុស្ស៊ីសេណារីយោអាក្រក់បំផុត។ ក្រុងមូ៉ស្គូបានអនុវត្តគោលនយោបាយសំខាន់ៗមួយចំនួនដែលបានធ្វើឱ្យសេដ្ឋកិច្ចរុស្ស៊ីបំប្លែងខ្លួនទៅជា «បន្ទាយ» ដែលអាចទប់ទល់នឹងការដាក់ទណ្ឌកម្ម។
ចាប់តាំងពីអ្នកផ្គត់ផ្គង់បច្ចេកវិទ្យា និងអ្នកផ្ដល់ប្រាក់កម្ចី រហូតដល់អ្នកនាំចេញទំនិញ និងរោងចក្រដែលរំពឹងយ៉ាងខ្លាំងលើការនាំចូលវត្ថុធាតុដើម ការរំខានដល់ទំនាក់ទំនងពាណិជ្ជកម្មនឹងបង្កើនសម្ពាធអតិផរណាទៅលើអឺរ៉ុប នឹងបង្កការទប់ស្កាត់សកម្មភាពយ៉ាងទូលំទូលាយដល់បណ្ដាអាជីវកម្មរបស់ពួកគេ។
កាលពីសប្ដាហ៍មុន ប្រធានធនាគារកណ្ដាលអឺរ៉ុបលោកស្រី គ្រីស្ទីន ឡាហ្កាដ បាននិយាយថា៖ «ពពកភូមិសាស្ត្រនយោបាយដែលយើងមាននៅលើទ្វីបអឺរ៉ុប ប្រសិនបើពួកវាក្លាយជាការពិតប្រាកដជាមានផលប៉ះពាល់ដល់តម្លៃថាមពល ប៉ុន្តែក៏នឹងជះឥទ្ធិពលដល់កំណើនផងដែរដែលជាលទ្ធផលនៃការកាត់បន្ថយប្រាក់ចំណូល និងអាចជាលទ្ធផលនៃការកាត់បន្ថយការប្រើប្រាស់ និងការបង្វែរការវិនិយោគ»។
រុស្ស៊ី គឺជាអ្នកផ្គត់ផ្គង់ថាមពលដ៏ធំបំផុតរបស់សហភាពអឺរ៉ុប។ ប្រមាណ ៤០ ភាគរយនៃការនាំចូលឧស្ម័នធម្មជាតិ និងជិត ១ ភាគ ៣ នៃការនាំចូលប្រេងឆៅរបស់ប្លុកនេះ គឺមកពីប្រទេសរុស្ស៊ី។
សហរដ្ឋអាមេរិក និងសហភាពអឺរ៉ុប កំពុងពិភាក្សាស្វែងរកប្រភពឧស្ម័នថ្មី ប្រសិនបើរុស្ស៊ីកាត់ផ្ដាច់ការផ្គត់ផ្គង់ឧស្ម័ន។ ស្តុកបម្រុងឧស្ម័នធម្មជាតិនៅអឺរ៉ុប គឺស្ថិតនៅកម្រិតទាបបំផុតក្នុងប្រវត្តិសាស្ត្រ ហើយក្នុងរយៈពេលប៉ុន្មានខែចុងក្រោយនេះតម្លៃឧស្ម័នបានកើនដល់កំណត់ត្រាខ្ពស់បំផុត ដែលបង្កើនឥទ្ធិពលរបស់រុស្ស៊ីនៅអឺរ៉ុប។
ក្នុងករណីដែលសង្គ្រាមផ្ទុះឡើង អ្នកវិភាគជាច្រើននិយាយថា តម្លៃឧស្ម័ននៅអឺរ៉ុបអាចកើនដល់កម្រិតមិនធ្លាប់ឃើញពីមុនមក។ នៅពេលនោះសហភាពអឺរ៉ុបនឹងត្រូវធ្វើការសម្រេចដ៏លំបាកក្នុងការទប់ស្កាត់តម្រូវការឧស្សាហកម្ម និងអ្នកប្រើប្រាស់ ដើម្បីរួចផុតពីការរំខានទ្រង់ទ្រាយធំនៃការផ្គត់ផ្គង់ឧស្ម័នរហូតដល់រដូវក្ដៅ។
ជាងនេះទៅទៀត ប្រទេសដូចជាអាល្លឺម៉ង់ មានវិសាលភាពតិចតួចក្នុងការប្ដូរទៅប្រភពថាមពលផ្សេងទៀតក្នុងរយៈពេលខ្លី ដោយពួកគេបានបំបាត់ថាមពលនុយក្លេអ៊ែរ និងធ្យូងថ្មស្ទើរទាំងស្រុងទៅហើយ។ ទន្ទឹមនឹងនេះដែរ ក្រុមហ៊ុនប្រេងអឺរ៉ុបដូចជា BP Total និង Shell អាចប្រឈមមុខនឹងបាត់បង់គម្រោងបណ្ដាក់ទុនរួមគ្នារបស់ពួកគេនៅក្នុងប្រទេសរុស្ស៊ី ប្រសិនបើការដាក់ទណ្ឌកម្មថ្មីត្រូវបានណែនាំ។
បន្ថែមពីលើនេះទៅទៀតប្រទេសរុស្ស៊ី គឺជាអ្នកនាំចេញវត្ថុធាតុដើមនាំមុខគេសម្រាប់សហភាពអឺរ៉ុប។ ក្រុមហ៊ុនផលិតយន្តហោះ Airbus គឺរំពឹងយ៉ាងខ្លាំងលើការនាំចូលលោហៈទីតាញ៉ូមពីរុស្ស៊ី ហើយសូម្បីតែគូប្រជែងរបស់ខ្លួននៅអាមេរិក Boeing ក៏រំពឹងយ៉ាងខ្លាំងលើការនាំចូលលោហៈនេះពីរុស្ស៊ីផងដែរ។ ក្រុមហ៊ុន Airbus បាននិយាយថា ខ្លួននឹង «គោរពយ៉ាងម៉ឺងម៉ាត់នូវការដាក់ទណ្ឌកម្ម និងបទប្បញ្ញត្តិគ្រប់គ្រងការនាំចេញ»៕
វីដេអូ៖