The Phnom Penh Post Search

Search form




Logo of Phnom Penh Post newspaper Phnom Penh Post - អ្វីខ្លះ​ដែល​​យើង​​គួរ​ដឹង​អំពី​វ៉ារ៉្យង់​រងរបស់អូមីក្រុង ​BA.2​?

អ្វីខ្លះ​ដែល​​យើង​​គួរ​ដឹង​អំពី​វ៉ារ៉្យង់​រងរបស់អូមីក្រុង ​BA.2​?

Content image - Phnom Penh Post
វ៉ារ៉្យង់​រងរបស់អូមីក្រុង ​BA.2​។ រូបថត AFP

អ្វីខ្លះ​ដែល​​យើង​​គួរ​ដឹង​អំពី​វ៉ារ៉្យង់​រងរបស់អូមីក្រុង ​BA.2​?

រយៈ​ពេលប្រមាណ​ជាង ​២​​ ឆ្នាំ នៃ​ការ​រាតត្បាត​ជំងឺកូវីដ ១៩ ករណីឆ្លង​ថ្មី និងការ​សម្រា​​ក​ព្យា​បាល​នៅ​មន្ទីរពេទ្យនៅ​សហរដ្ឋអាមេរិកកំពុង​ធ្លាក់ចុះ ដោយសារ​វ៉ារ្យ៉ង់រង​របស់​អូមីក្រុង​​​មានឈ្មោះ​ថា BA.2។​

លោកវេជ្ជបណ្ឌិត Dorit Nitzan នាយក​ប្រចាំតំ​បន់របស់អង្គការសុខភាព​ពិ​ភ​ព​លោ​ក​​ បានប្រាប់កាសែត Jerusalem Post កាលពីថ្ងៃចន្ទថា វ៉ារ៉្យង់រង BA.2 ទំនងជាមានភាពលេចធ្លោ​​នៅទូទាំងពិភពលោក ដោយសារការឆ្លងខ្ពស់​រ​ប​ស់វា។ លោក Nitzan បាននិយាយថា៖ «គន្លងដែល​រំ​ពឹ​ង​ទុកគឺថា ​វា​នឹង​ក្លា​យ​ជា​វ៉ារ្យ៉ង់​លេច​ធ្លោ​ថ្មី​ នៅពេលដែល​​វាឆ្លងកាត់​ក​​​ម្រិ​ត​​ជា​ក់​លាក់​មួយ​ វា​ក្លាយ​ជា​លេ​ច​ធ្លោ​ដូច​ យើង​កំពុ​ង​ឃើញ​នៅ​​ប្រទេសដា​ណឺ​ម៉ា​​ក​ និងចក្រភពអ​ង់គ្លេ​ស»​។

ខណៈ​ពេលដែល​វ៉ារ្យ៉ង់អូមីក្រុង​​ដើម​ដែល​ត្រូវ​បានរកឃើញដំបូងនៅ​អា​ហ្វ្រិ​កខាងត្បូ​ង​នៅ​ចុ​ងខែវិច្ឆិកា នៅ​តែ​ទទួល​ខុ​សត្រូវចំពោះ​ករ​ណី​ថ្មី​​​ភា​គច្រើននៅក្នុងប្រទេសភាគច្រើន​​ BA.2 បានរីករាល​ដា​ល​យ៉ាង​ឆាប់​រហ័ស​​នៅ​ក​ន្លែង​ ដូ​ចជាអាហ្វ្រិកខាងត្បូង ឥណ្ឌា អង់គ្លេស និងដាណឺម៉ាក ជាកន្លែងដែល​​​​​វាស្ថិត​នៅ ឥឡូវ​នេះលេ​ចធ្លោ​។

នៅ​សហរដ្ឋ​អាមេរិកវ៉ារ៉្យង់រង​​ BA.2 កំពុងចរាចរក្នុងកម្រិ​តទាប ដែលមានចំនួនតិចជាង ៤​ ភាគ​រយ​​នៃ​ករណី​​​ឆ្ល​​ង​មេ​រោ​គ​ថ្មី​​។ នេះបើយោងតាមមជ្ឈមណ្ឌលគ្រប់​គ្រ​ង និ​ង​ការពារជំងឺ​។ ប៉ុន្តែ​ អ្នក​ជំនាញ​ខ្លះជឿ​ថា​ វា​អាស្រ័យ​លើ​​​ពេល​វេលា​លុះ​ត្រា​វ៉ារ៉្យ​ង់​​នេះ​ ​បា​ន​រីករាល​ដាល​ពាសពេញ​ពិភពលោ​ក ទើប​​ក្លាយ​​​ជាវ៉ារ៉្យង់​លេច​​​ធ្លោ​។​​

យោង​តាម​អ្នកជំនាញ​សុខភាពសាធារណៈទាំងនៅដា​ណឺ​ម៉ាក និងច​ក្រភពអង់គ្លេស វ៉ារ្យ៉ង់នេះហាក់ដូ​ច​ជា​មាន​​ជំ​ងឺ​​ឆ្លង​ពី ៣០​ ទៅ ៣៤ ភាគ​រយ​ច្រើនជាងទម្រង់ B​​A.1 ដែលលេចធ្លោនាពេលបច្ចុប្បន្ន។​​ ការ​សិក្សា​របស់​​ដាណឺម៉ា​កថ្មី​​ៗ​នេះ​ ក៏បា​ន​រកឃើញថា BA.2 មានភាពល្អប្រសើ​រជា​ង BA.1 ក្នុងការឆ្លងមនុស្សដែល​ត្រូវ​បាន​ចា​ក់​ថ្នាំបង្ការ ដែលប​ង្ហាញថា វ៉ារ៉្យង់មាន​រង​​លក្ខណៈសម្បត្តិការពា​រ​ប្រ​ឆាំ​ង​នឹងមេរោ​គ​ច្រើន​ជាង​។

ប៉ុន្តែដោយបា​នគូសបញ្ជាក់តម្លៃនៃវ៉ាក់​សាំ​ង អ្នកស្រាវជ្រាវបានរ​កឃើញថា អ្នក​ដែ​ល​បា​ន​ចា​ក់​វ៉ា​ក់​សាំ​ង​នៅ​តែងា​យ​នឹង​​ឆ្លងមេរោគ និងចម្លងទាំងប្រភេទរង BA.1 ឬ BA.2 បើធៀប​នឹង​មនុស្សដែល​មិន​បាន​ចា​ក់​វ៉ា​ក់​សាំង​។

​​រហូត​មក​ដល់​ពេល​​​នេះ​​មិន​មាន​ការ​បញ្ជាក់​ថា BA.2 បង្ក​ឱ្យ​មាន​ជំងឺ​ធ្ងន់ធ្ងរ​ជាង​នេះ​ទេ។ លើសពីនេះទៀត Gandhi និយាយ​ថាវាជាសញ្ញាល្អដែលថា វ៉ារ៉្យង់​នឹង​មិនបានបង្កើនល្បឿននៃជំ​ងឺ​​រា​ត​ត្បា​តនៅ​ក្នុ​​ង​ប្រទេស​ដាណឺម៉ាក​ និង​ចក្រភពអង់គ្លេស ​ករណីនៅតែអាច​ធ្លា​ក់ចុះនៅ​ទីនោះទោះបី​ជា BA.2 ចូល​មក​ក្នុង​តំបន់​របស់​ពួកគេ​ក៏ដោយ​។

ទិន្នន័យនៅលើអូមីក្រុង​ BA.2 នៅមានកម្រិតនៅឡើ​យ​ ហើយវា​មិ​​ន​ច្បា​ស់ថា ផលប៉ះពាល់អ្វី​នឹ​ង​ប៉ះ​ពាល់​ដល់​អនាគ​តនៃ​ជំ​ងឺរាតត្បាត។ Gandhi និយាយថា ការបាញ់ថ្នាំជំរុញ​គឺ​ ជា​មធ្យោបាយ​ដ៏ល្អ​បំផុត ដើម្បី​ការពា​រ​ខ្លួ​នអ្នក និងសហគមន៍របស់អ្នកពី​ប្រភេទវ៉ារ្យ៉ង់រង​ទាំង ២៕

វីដេអូ៖

អត្ថបទគួរចាប់អារម្មណ៍