​ប្រទេស​ឥណ្ឌូនេស៊ី បាន​និយាយ​កាលពី​ថ្ងៃ​ចន្ទ​ថា ខ្លួនគ្រោង​នឹង​កាត់បន្ថយ​រយៈពេល​ច​ត្តា​ឡី​ស័ក​សម្រាប់​អ្នកដំណើរ​​បរទេស និង​ប្រជាពលរដ្ឋ ដែល​បាន​វ៉ាក់សាំង​រួច ពី ​៥ ​ថ្ងៃ​មក ត្រឹម ​៣ ​ថ្ងៃ ដោយសារ​ករណី​ឆ្លង​កូ​វីដ​ថយចុះ​។​

​លោក Luhut Pandjaitan ​រដ្ឋមន្ត្រី​ជាន់ខ្ពស់​ទទួល​បន្ទុក​សម្របសម្រួល​កិច្ចខិតខំ​ប្រឹង​ប្រែង​សម្រាប់​កូ​វីដ ​១៩ បាន​និយាយថា ច្បាប់​ថ្មី​នឹង​ចូល​ជា​​ធរមាន​ចាប់ផ្តើម​ពីថ្ងៃ​ទី ​១ ខែមីនា ឬ​មុននេះ អាស្រ័យ​លើ​ស្ថានភាព ហើយ​ការដក​ការធ្វើ​ច​ត្តា​ឡី​ស័ក នឹងត្រូវ​បាន​ដកចេញ​នៅ​ថ្ងៃទី ​១ ខែមេសា ប្រសិនបើ​ស្ថានការណ៍​ប្រសើរឡើង​បន្ថែមទៀត​។ នៅលើ​កោះ​​ជ្វា​ដែលមាន​ប្រជាជន​ច្រើនជាងគេ​បំផុត​របស់​ប្រទេស​ក៏ដូចជា​កោះ​បាលី​ដែរ​។​

​លោក Luhut បាន​និយាយ​នៅក្នុង​សន្និសីទ​សារព័ត៌មាន​តាមអ៊ី​ន​ធឺ​ណិ​ត បន្ទាប់ពី​ជួប​ជា​មួយ​ប្រធានាធិបតី​ លោក​ Joko Widodo កាលពី​ថ្ងៃ​ចន្ទ​ថា​៖ «​សញ្ញា​ថា យើង​បាន​ឈានដល់​កម្រិត​កំពូល​ដោយ​វិនិច្ឆ័យ​ពី​ការធ្លាក់ចុះ​នៃ​ករណី​ថ្មី​ប្រចាំថ្ងៃ ករណី​សកម្ម និង​អត្រា​ចូល​មន្ទីរពេទ្យ​។ ឥឡូវនេះ នៅ​កោះ​​ជ្វា និង​កោះ​បាលី កំពុង​មើលឃើញ​និន្នាការ​ធ្លាក់ចុះ (​ក្នុង​ចំនួន​ករណី​ថ្មី​ប្រចាំថ្ងៃ​) ប៉ុន្តែ​តំបន់​មួយចំនួន (​ផ្សេងទៀត​) នៅ​ខាងក្រៅ​កោះ​ជ្វាចាប់ផ្តើម​ឃើញ​មាន​ករណី​កើនឡើង​»​។​ នៅឯ​សន្និសីទ​សារព័ត៌មាន​ដដែល រដ្ឋមន្ត្រី​សម្របសម្រួល​សម្រាប់​សេដ្ឋ​កិច្ច​លោក​AirlanggaHartarto បាន​និ​យាយ​ថា ការធ្វើដំណើរ​សម្រាប់​ភ្ញៀវទេសចរ​ពី​សិង្ហ​បុរី​ទៅកាន់​កោះ​បា​តាម និង​កោះ​ប៊ី​ន​តាន នឹង​ចាប់ផ្តើម​នៅ​ថ្ងៃទី ​១៨ ខែកុម្ភៈ ហើយ​ការរៀបចំ​ដោយ​គ្មាន​ការដាក់​ឱ្យនៅ​ដាច់​ពី​គេ​នឹង​ពង្រីក​ដល់​កោះ​ទី​៣ ​កា​​រី​ម៉ុ​ន​។ យ៉ាងណាមិញ លោក​មិនបាន​ផ្តល់ព័ត៌មាន​លម្អិត​អ្វី​ផ្សេងទៀត​ទេ​។​

​រដ្ឋមន្ត្រី​ដឹកជញ្ជូន​សិង្ហ​បុរី លោក S Iswaran នៅក្នុង​ការ​​ឆ្លើយតប​ជា​លាយលក្ខណ៍អក្សរ ចំពោះ​សំណួរ​នៅក្នុង​សភា​កាលពី​ថ្ងៃ​ចន្ទ បាន​និយាយ​ថា​៖ «​សិង្ហ​បុរី និង​ឥណ្ឌូនេស៊ី កំពុងធ្វើការ​ឆ្ពោះទៅរក​ការរៀបចំ​មួយ​ដើម្បី​ជួយ​សម្រួលការ​ធ្វើដំណើរ​ដោយ​មិនមាន​ការដាក់​ឱ្យនៅ​ដាច់​ពី​គេ​ពី​ផ្លូវ​សម្រាប់​អ្នកធ្វើដំណើរ ដែល​បាន​ចាក់​វ៉ាក់សាំង​ពេញ​​លេញ​រវាង​សិង្ហ​បុរី និង​បា​តាម និង​ប៊ី​ន​តាន ដូចជា​ផ្នែក​មួយ​នៃ​ផែនការ​របស់​យើង​ក្នុងការ​បើក​ព្រំដែន​ឡើងវិញ​ជា​បណ្តើរៗ ខណៈពេលដែល​មានការ​គ្រប់គ្រង​ទៅលើ​ហានិភ័យ​សុខភាព​​សាធារណៈ​»​។​

​លោក Iswaran ​ក៏បាន​បញ្ចេញ​តួលេខ​អំពី​ចំនួន​អ្នក​​ធ្វើដំណើរ​រវាង​សិង្ហ​បុរី និងបា​តាម និង​ប៊ី​ន​តានផងដែរ​។ លោក​បាន​បន្តថា ក្នុង​ឆ្នាំ ​២០១៩ ចំនួន​អ្នកដំណើរ​មកដល់ និង​ចេញដំណើរ​តាម​សាឡាង​ជា​មធ្យម​មាន​ប្រមាណ ១៤៦ ០០០ នាក់​ ក្នុង ​១ ​សប្តាហ៍​។ ចាប់តាំងពី​ប្រទេស​ឥណ្ឌូនេស៊ី បាន​បើក​ដំណើរការ​ការធ្វើដំណើរ​ដោយ​គ្មាន​ការដាក់​ឱ្យនៅ​ដាច់​ពី​គេ​សម្រាប់​អ្នក​ទេស​ ចរ​ដែល​បាន​ចាក់​វ៉ាក់សាំង​ពេញលេញ​ពី​ប្រទេស​សិង្ហ​បុរី ​ទៅកាន់​បា​តាម និង​ប៊ី​ន​តាន ចាប់ពី​ថ្ងៃទី​ ២៤ ខែមករា​មក ដែល​ចំនួន​អ្នកធ្វើដំណើរ​មាន​ប្រមាណ ៦០០ ​នាក់ ​ក្នុង ​១ ​សប្តាហ៍​។​

​វេជ្ជបណ្ឌិត ​Windhu Purnomo អ្នកឯកទេស​ខាង​រោគ​​រាតត្បាត​នៅ​សាកលវិទ្យាល័យ Airlangga​ នៅ​កោះ​ជ្វា បាន​និយាយថា ករណី​នៅក្នុង​ទី​ក្រុង​ហ្សា​ការ​តា ​ដែល​បង្កើតបាន​សមាមាត្រ​ដ៏​សំខាន់​នៃ​ចំនួន​សរុប​ជាតិ ក៏បាន​ឆ្លង​ផុត​កម្រិត​កំពូល​ផងដែរ​។​

​វេជ្ជបណ្ឌិត Windhu ​បាន​ប្រាប់​កាសែត The Straits Times បន្តថា​៖ «​បច្ចុប្បន្ននេះ យើង​កំពុង​មើលឃើញ​និន្នាការ​ធ្លាក់ចុះ​រួចហើយ ប៉ុន្តែ​យើង​នៅ​​តែ​ត្រូវ​សង្កេតមើលថា ​តើ​វា​នឹង​ស្របគ្នា​ដែរឬទេ ឬ​បើ​វា​នៅតែមាន​ការប្រែប្រួល ដោយ​សង្ឃឹមថា ​វា​នឹងមាន​ភាពស៊ីចង្វាក់​គ្នា បានផ្តល់​ឱ្យ​អ្នកស្រុក​ហ្សា​ការ​តា​ប្រកាន់ខ្ជាប់​នូវ​ពិធីសារ​សុខ​​ភាព​ដ៏​តឹងរ៉ឹង​»​។ រដ្ឋមន្ត្រី​សុខា​ភិ​បាល Budi Sadikin ​កាលពី​ថ្ងៃ​ចន្ទ ​ក៏បាន​ចង្អុលបង្ហាញ​ពី​និន្នាការ​អំណោយផល​ផ្សេងទៀត​។​

​លោក​បាន​និយាយថា ចំនួន​អ្នក​ដែល​សម្រាក​ព្យាបាល​នៅ​មន្ទីរពេទ្យ​នៅមាន​ចន្លោះ​ពី ៣០ ទៅ​ ៤០​ ភាគរយ​ក្នុងអំឡុង​ពេល​រលក​ដែល​តា​។ ជាង​ពាក់កណ្តាល​នៃ​អ្នក​សម្រាកព្យាបាល​នៅ​មន្ទីរពេទ្យ​ក៏មាន​រោគសញ្ញា ឬ​មាន​រោគសញ្ញាស្រាល​ផងដែរ​។​

​យ៉ាងណាមិញ ក៏​មានមតិ​មួយចំនួន​បាន​លើកឡើងថា ការបើក​ឱ្យមាន​ការធ្វើដំណើរ​ដោយ​មិនមាន​ច​ត្តា​ឡី​ស័ក​ជោគជ័យ​លុះត្រាតែ​ការធ្វើ​តេស្ត​រហ័ស ​Antigen Rapid Test (ART) ដែលមាន​តម្លៃថោក​ជាង​នេះ​។​

​បច្ចុប្បន្ននេះ ប្រទេស​ឥណ្ឌូនេ​ស៊ី តម្រូវឱ្យ​អ្នកទស្សនា ចាក់​វ៉ាក់សាំង ២​ ដង​ ហើយ​ត្រូវ​ស្នាក់នៅ​ប្រទេស​សិង្ហ​បុរី យ៉ាងហោចណាស់​ចំនួន​ ១៤​ ថ្ងៃ មុនពេល​ពួកគេ​មកដល់​គោល​​ដៅ​ទេសចរណ៍​នានា​។ ពួកគេ​ក៏ត្រូវ​តែ​ធ្វើតេស្ត​លទ្ធផល​តេស្ត PCR អវិជ្ជមាន​ក្នុង​រយៈពេល ៧២ ​ម៉ោង​ នៃ​ការចាកចេញ​ពី​សិង្ហ​បុរី និង​ពេលមកដល់​ប្រទេស​ឥណ្ឌូនេស៊ី​៕

​