ប្រធានាធិបតីអ៊ុយក្រែន វ៉ុលូឌីមៀរ ហ្សេលេនស្គី បាននិយាយថា លោកចង់បានការធានាសុវត្ថិភាពថ្មី ដើម្បីជួសជុលស្ថាបត្យកម្មសន្តិសុខសកល ដែល «ស្ទើរតែខូចទៅហើយ» ខណៈពេលដែលលោកទាមទារឱ្យមានការដាក់ទណ្ឌកម្មលើរុស្ស៊ី ជុំវិញការកើនឡើងភាពតានតឹងនៅព្រំដែនរបស់ខ្លួន។
ថ្លែងក្នុងសន្និសីទសន្តិសុខក្រុងមុយនិចលោកហ្សេលេនស្គី បាននិយាយថា លោកចង់កោះហៅកិច្ចប្រជុំសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិដែលរួមមានរុស្ស៊ីផងដែរ ដើម្បីពិភាក្សាលើបញ្ហានេះ។
លោកក៏បានរិះគន់ «គោលនយោបាយលួងលោម» របស់លោកខាងលិច ចំពោះប្រទេសរុស្ស៊ី។ លោកនិយាយថា៖ «ក្នុងរយៈពេល ៨ ឆ្នាំចុងក្រោយនេះ ប្រទេសអ៊ុយក្រែនបានទប់ទល់នឹងកងទ័ពដ៏អស្ចារ្យមួយក្នុងពិភពលោក»។
លោកហ្សេលេនស្គីបានទាមទារឱ្យមាន «ពេលវេលាច្បាស់លាស់ និងអាចធ្វើទៅបាន» សម្រាប់អ៊ុយក្រែនដើម្បីចូលរួមជាសមាជិកនៃសម្ព័ន្ធមិត្តយោធាណាតូដែលដឹកនាំ ដែលជាអ្វីទីក្រុងម៉ូស្គូ បាននិយាយថា ជាបន្ទាត់ក្រហមសម្រាប់សន្តិសុខរបស់ខ្លួន។
បើទោះជាយ៉ាងនេះក៏ដោយលោកហ្សេលេនស្គី បាននិយាយថាលោកមានឆន្ទៈចង់ជួបជាមួយលោកវ្ល៉ាឌីមៀរ ពូទីន ដើម្បីស្វែងរក «អ្វីដែលប្រធានាធិបតីរុស្ស៊ីចង់បាន»។
វិមានក្រឹមឡាំងនៅមិនទាន់ធ្វើការអត្ថាធិប្បាយលើរឿងនេះនៅឡើយទេ៕