The Phnom Penh Post Search

Search form




Logo of Phnom Penh Post newspaper Phnom Penh Post - ភាគហ៊ុនធ្លាក់ចុះ ក្រោយ​​រុស្ស៊ី​បញ្ជាទ័ពរុល​ចូលអ៊ុយក្រែន ខណៈ​តម្លៃ​ប្រេង​​ឡើង​ជិត ១០០ ដុល្លារ​ ក្នុង ​១ ​បារ៉ែល​​

ភាគហ៊ុនធ្លាក់ចុះ ក្រោយ​​រុស្ស៊ី​បញ្ជាទ័ពរុល​ចូលអ៊ុយក្រែន ខណៈ​តម្លៃ​ប្រេង​​ឡើង​ជិត ១០០ ដុល្លារ​ ក្នុង ​១ ​បារ៉ែល​​

ភាគហ៊ុនធ្លាក់ចុះ ក្រោយ​​រុស្ស៊ី​បញ្ជាទ័ពរុល​ចូលអ៊ុយក្រែន ខណៈ​តម្លៃ​ប្រេង​​ឡើង​ជិត ១០០ ដុល្លារ​ ក្នុង ​១ ​បារ៉ែល​​

ទីផ្សារភា​គហ៊ុនសក​លបានធ្លាក់ចុះ ហើយតម្លៃប្រេងឆៅបានកើនឡើងដ​ល់ ៩៩ ដុល្លារ ក្នុ​ង ​១​ បា​រ៉ែល​កាល​ពីថ្ងៃអង្គារ បន្ទាប់ពីប្រទេសរុ​ស្ស៊ីបាន​ប​ញ្ជាឱ្យ​ក​ង​ទ័​ពរុល​ចូ​ល​ទៅ​ក្នុ​ងផ្នែ​ក​ខ្លះ​នៃ​ភាគ​ខា​ងកើត​អ៊ុយ​ក្រែន​។​

ដោយឡែក​ ភាគហ៊ុន​នៅ​ Wall Street ក៏បានធ្លាក់ចុះផងដែរនៅពេ​ល​ ដែ​លឈ្មួ​ញបានត្រឡប់​មកវិញ​ពីថ្ងៃ​​ឈ​ប់​សម្រាកនៅចុងស​ប្តា​ហ៍ប៉ុន្តែ​ភាគហ៊ុនបានបញ្ចប់ពីកម្រិតទាបនៃថ្ងៃ​នេះ​។ ភាគហ៊ុន Dow (INDU) បានធ្លាក់ចុះយ៉ាងខ្លីជា​ង​៧០០ ពិន្ទុ ឬ ២ភាគរយ​ នៅក្នុងការជួញដូរពេលរសៀ​ល មុនពេ​ល​ងើ​ប​ឡើ​ងវិ​ញដើម្បី​​ជិត ៤៨៣ ពិន្ទុ ឬ ១,៤ភាគរយ​​។

ភាគហ៊ុន​ S&P 500 (SPX) បានធ្លាក់​ទាបជាង ១ភាគរយ​ដោយ​ចូលទៅក្នុងការកែតម្រូវ​ កំណត់ដោ​យកា​រ​ធ្លាក់​ចុះ ​១០ភាគ​រយ​ពីកំ​ពូលចុងក្រោយរបស់​វា ខណៈ​Nasdaq (COMP) បានធ្លាក់ចុះ ១,២ភាគ​។

ទីផ្សារអឺរ៉ុបក៏មានការប្រែប្រួល​ផ​ងដែរ ដោយ​FTSE 100 (UKX) នៅទីក្រុងឡុងដ៍ បាន​ងើ​ប​ឡើង​វិ​ញ​ពី​ការ​ខាត​ប​ង់មុនខណៈដែល CAC 40 (CAC40) របស់បារាំងក៏រាបស្មើដែរ។ ដោយឡែក DAX (DAX) របស់អាល្លឺម៉ង់បានធ្លាក់ចុះ ០,៣ភាគ​។ ភាគហ៊ុនរបស់រុស្ស៊ីបាន​ស្ទុះ​ងើបឡើងវិញ បន្ទាប់ពីធ្លាក់ថ្លៃជាង ១០ភាគរយ​​ កាលពីថ្ងៃចន្ទ ហើយប្រាក់រូប្លែបា​នធ្លាក់ចុះធៀបនឹង​ប្រា​ក់ដុ​ល្លា​រ​ស​ម្រា​ប់​វ​គ្គជួញ​ដូរ​ទី៤​ជាប់ៗ​គ្នា​។
សន្ទស្សន៍ Nikkei 225 (N225) របស់ជប៉ុនបានធ្លាក់ចុះ ១,៧ភាគរយ​​ ខណៈដែ​ល Shanghai Composite (SHCOMP) របស់ចិនបានធ្លាក់ចុះ ១ភាគរយ​។ សន្ទស្សន៍ Hang Seng (HSI) របស់ហុងកុងបានធ្លាក់ចុះ ២,៨ភាគរយ​ ការ​ខាតបង់ប្រចាំថ្ងៃដ៏ធំបំផុតរបស់ខ្លួនក្នុងរ​យៈពេល ៥​ ខែ។

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានបញ្ជាឱ្យទាហានរុស្ស៊ីរុល​ចូលទៅក្នុង​តំ​ប​ន់​បំបែ​ក​ខ្លួន២ ដែល​គាំទ្រ​ទី​ក្រុងមូស្គូនៅភាគខាងកើតអ៊ុយក្រែន​ បន្ទាប់ពីបានទទួលស្គាល់ឯករាជ្យរបស់ពួក​គេ​កាលពីថ្ងៃចន្ទ។ ជំហាន​នេះហាក់​ដូចជាកា​របើកដំណើរការនៃប្រតិបត្តិ​ការយោធាដ៏មានសក្តានុពលធំមួយ​ ដែល​ផ្តោត​លើ​អ៊ុយ​ក្រែន។​ នេះបើតាម​ឱ្យ​ដឹងពី​មន្ត្រី​​សហរដ្ឋអាមេរិក និងក្រុមមន្ត្រីលោកខាងលិច ដែល​បា​ន​ប្រាប់​សារព័ត៌មាន CNN ។

លោក Craig Erlam អ្នកវិភាគទីផ្សារជាន់​ខ្ព​ស់នៅ Oandaបានសរសេរនៅក្នុ​ង​កំណ​ត់​ត្រា​ស្រា​វ​ជ្រា​វមួ​យកា​លពី​ថ្ងៃ​អង្គា​រ​ថា​៖ «វាមា​នអា​រម្មណ៍ថាស្ថានភាពអាចកើនឡើងយ៉ាងខ្លាំងនៅពេលណាមួយ ​ហើ​យវានឹ​ងរក្សា​អ្ន​ក​វិនិ​យោគឱ្យស្ថិតនៅលើគែមសម្រាប់ពេលនេះ​។ យើង​​ប្រហែល​​ជា​​ស្ថិត​នៅ​លើ​គែម​នៃ​រឿង​ដ៏​អាក្រក់​ដែល​​​កើត​ឡើង​ហើយ​វា​នឹង​បន្ត​ចូល​ទៅ​ក្នុង​ភាព​អវិជ្ជមាន​នៅ​​​លើ​ទីផ្សារ​»។

ការកើនឡើងនៃភាពមិនច្បាស់លាស់អំពីបញ្ហា​អ៊ុ​យក្រែន បង្ក​ឱ្យ​មាន​កា​រ​កើ​ន​ឡើ​ងនៃ​​តម្លៃ​ថាមព​ល។​ ប្រេងឆៅនាពេលអនាគតរបស់អា​មេ​រិ​កបានកើនឡើង ៥,៤ភាគ​រយ​ ដល់​ការជួញដូរនៅ ​៩៥,៦៥ ដុល្លារ​ក្នុ​ង ១បារ៉ែល។ ប្រេងឆៅ Brent ដែលជាស្តង់ដាពិភពលោកបាន​កើន​ឡើង ៣,៨ភាគរយ​ ពោល​គឺ ៩៩,១៧ ដុល្លារ​ក្នុង១បារ៉ែ​ល៕

អត្ថបទគួរចាប់អារម្មណ៍