ប្រទេសរុស្ស៊ី បានសម្រេចចិត្តជំនួសប្រព័ន្ធទូទាត់ប្រាក់អន្តរជាតិ SWIFT ដោយប្រើប្រាស់ប្រព័ន្ធ SPFS របស់ខ្លួនបន្ទាប់ពីលោកខាងលិចកាត់ផ្ដាច់ធនាគាររុស្ស៊ីមួយចំនួនពី SWIFT ដោយសារតែការលុកលុយលើអ៊ុយក្រែន។
ការកាត់ផ្ដាច់ចេញពី SWIFT គឺនឹងបង្កផល់ប៉ះពាល់យ៉ាងខ្លាំង ដូច្នេះដើម្បីធានាថា ហេដ្ឋារចនាសម្ព័ន្ធហិរញ្ញវត្ថុរបស់រុស្ស៊ីមិនដួលរលំ ប្រទេសនេះបានចាប់ផ្ដើមកម្មវិធី SPFS ។ខណៈពេលដែលត្រូវបានបង្កើតឡើងដំបូងជារចនាសម្ព័ន្ធដើម្បីធ្វើការទូទាត់ក្នុងស្រុក SPFS ក៏នឹងត្រូវបានពង្រីកសម្រាប់ការទូទាត់អន្តជាតិផងដែរ។
ភាគច្រើននៃសមាជិក៣៩៩ នៃប្រព័ន្ធនេះ គឺជាធនាគាររុស្សីប៉ុន្តែនៅក្នុងខែមេសាឆ្នាំមុនធនាគារបេឡារូសជាង ២០ធនាគារ អាមេនី Arshidbank និងធនាគារកៀហ្សីស៊ីស្ថាន Bank of Asia បានចូលរួមក្នុងប្រព័ន្ធនេះដែរ។
បញ្ហាធំបំផុតនៃប្រព័ន្ធនេះ គឺការមិនមានធនាគាររបស់ប្រទេសជាច្រើនចង់ចូលរួមជាមួយប្រព័ន្ធនេះទេដោយសារហេតុផលជាច្រើន ទី១គឺការព្រួយបារម្ភអំពីការទាត់ចេញពីប្រព័ន្ធ SWIFT។ទីពីរប្រព័ន្ធ SPFS មិនមានធនាគារអន្តរជាតិសំខាន់ៗច្រើនទេ សូម្បីតែចិនដែលជាអ្នកគាំទ្ររបស់ខ្លួនក៏មិនទាន់ចូលរួមជាមួយ SPFS ដែរ៕