ក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃសុក្រ ទី ១១ មីនា ប្រទេសរុស្ស៊ី បានចោទប្រកាន់ សហរដ្ឋអាមេរិក និងអ៊ុយក្រែន បានឃុបឃិតប្រើប្រាស់សត្វបក្សីសត្វល្អិត និងសត្វប្រចៀវ ដើម្បីបង្កការរីករាលដាលនៃមេរោគធ្វើឱ្យអាមេរិកចោទប្រកាន់រុស្ស៊ីថា កំពុងបង្កើតលេសប្រើប្រាស់អាវុធប្រភេទនេះ។
ឯកអគ្គរដ្ឋទូតរុស្ស៊ីប្រចាំអង្គការសហប្រជាជាតិលោក វ៉ាស៊ីលី នេបេនហ្ស៊ី បានធ្វើការរៀបរាប់យ៉ាងវែងអំពីអ្វីដែលរុស្ស៊ីអះអាងថា ជាឧបាយកលប្រើប្រាស់អាវុធជីវសាស្ត្រ ហើយបាននិយាយថា សត្វបក្សី សត្វល្អិត និងសត្វប្រចៀវ ដែលមានមេរោគទាំងនេះ អាចហោះទៅទិសខាងលិចព្រំដែនអ៊ុយក្រែនវិញ។
«យើងសូមអំពាវនាវឱ្យអ្នកគិតអំពីគ្រោះថ្នាក់ជីវសាស្ត្រពិតប្រាកដមួយចំពោះប្រជាជននៅក្នុងបណ្តាប្រទេសអឺរ៉ុប ដែលអាចបណ្ដាលមកពីការរីករាលដាលដែលមិនអាចគ្រប់គ្រងបាននៃភ្នាក់ងារជីវសាស្ត្រពីអ៊ុយក្រែន»។ លោក នេបេនហ្ស៊ី និយាយបែបនេះហើយបន្តទៀតថា៖ «ហើយប្រសិនបើមានសេណារីយោបែបនេះនោះ អឺរ៉ុបទាំងអស់ នឹងត្រូវបានគ្របដណ្ដប់»។
តំណាងជាន់ខ្ពស់របស់អង្គការសហប្រជាជាតិទទួលបន្ទុកកិច្ចការរំសាយអាវុធប្រល័យលោកលោកស្រី អ៊ីហ្សូមីណាកាមីតស៊ូ បាននិយាយថា អង្គការសហប្រជាជាតិ «មិនបានដឹងពីកម្មវិធីអាវុធជីវសាស្ត្រណាមួយ» នៅក្នុងប្រទេសអ៊ុយក្រែនទេ ហើយបានចង្អុលបង្ហាញថា មានបណ្ដាញផ្លូវការសម្រាប់រដ្ឋាភិបាលក្នុងការលើកឡើងពីការព្រួយបារម្ភអំពីការរំលោភលើអនុសញ្ញាអាវុធជីវសាស្ត្រ និងជាតិពុលដែលហាមឃាត់ការប្រើប្រាស់អាវុធបែបនេះ។
ឯកអគ្គរដ្ឋទូតអាមេរិកប្រចាំអង្គការសហប្រជាជាតិលោកស្រី លីនដា ថូមីសហ្គ្រីហ្វៀល បាននិយាយថា៖ «ចេតនានៅពីក្រោយការកុហកទាំងនេះហាក់ដូចជាច្បាស់លាស់ ហើយវាគួរឱ្យព្រួយបារម្ភណាស់»៕
វីដេអូ៖